მუჭი

მუჭი — მთა საქართველოში, მცხეთა-მთიანეთის მხარეში, დუშეთის მუნიციპალიტეტში. მდებარეობს მდინარეების ხევსურეთის არაგვისა და ფშავის არაგვის წყალგამყოფზე. სიმაღლე ზღვის დონიდან 2767 მ. აგებულია თიხაფიქლებით, არგილითებითა და ქვიშაქვებით. რელიეფი შედარებით ნაზი და ადვილად მისადგომია. შემოსილია ალპური და სუბალპური მდელოებით.

მუჭი
კოორდინატები: 42°26′46″ ჩ. გ. 45°00′18″ ა. გ.
ქვეყანა	საქართველო
ტერიტორიული ერთეული	დუშეთის მუნიციპალიტეტი
სიმაღლე	2767 მ
ამგებელი ქანები	თიხაფიქალი, არგილითი და ქვიშაქვა

ლიტერატურა

• ნემანიშვილი ს., ქართული საბჭოთა ენციკლოპედია, ტ. 7, თბ., 1984. — გვ. 228.