მონკადას ყაზარმა
მონკადას ყაზარმა — სამხედრო ყაზარმა კუბის ქალაქ სანტიაგო-დე-კუბაში. სახელი ეწოდა კუბის დამოუკიდებლობისათვის ომის გმირის, გენერალ გილერმო მონკადას პატივსაცემად. 1953 წლის 26 ივლისს ყაზარმა გახდა რევოლუციონერების თავდასხმის ობიექტი, რომელთაც ხელმძღვანელობდა ფიდელ კასტრო. ეს თავდასხმა საფუძვლად დაედო კუბის რევოლუციას. თავდასხმის თარიღი - 26 ივლისი - ეწოდა რევოლუციურ მოძრაობას, რომელმაც 1959 წელს დაამხო ფულხენსიო ბატისტას რეჟიმი.
