მინერალური მჟავა

მინერალური მჟავა (ან არაორგანული მჟავა) — მჟავა, რომელიც შედგება ერთი ან რამდენიმე არაორგანული ნივთიერებისაგან. ყველა მინერალური მჟავა წარმოქმნის იხსნება წყალში და წარმოქმნის წყალბადის კატიონს და შესაბამისი მჟავის ფუძეს.

მახასიათებლები

ყველაზე ხშირად გამოყენებული მინერალური მჟავებია გოგირდმჟავა, მარილმჟავა და აზოტმჟავა (ისინი თაროს მჟავების სახელითაცაა ცნობილი). მინერალური მჟავები იცვლებიან ზემჟავებიდან(მაგ. ქლორის მჟავა) ძალიან სუსტ მჟავებამდე (მაგ. ბორმჟავა). მინერალური მჟავები ჩვეულებრივ კარგად იხსნებიან წყალში და უხსნადნი არიან ორგანულ გამხსნელებში.

მინერალური მჟავები ქიმიური ინდუსტრიის მრავალ სექტორში გამოიყენება როგორც ამოსავალი წერტილი სხვა ქიმიკატების, იქნება ეს ორგანული თუ არაორგანული, სინთეზისათვის. ეს მჟავები, განსაკუთრებით გოგირდმჟავა, აზოტმჟავა და მარილმჟავა, კომერციულად იწარმოება ამისთვის განკუთვნილ დიდ ქარხნებში.

მინერალური მჟავები ასევე პირდაპირ გამოყენებას ჰპოვებენ მათი კოროზიული თვისებების გამო. მაგალითად მარილმჟავის წყალხსნარი გამოიყენება რათა მოშორებული იქნას ნადების მადუღარების შიდა მხრარეს. ამავე დროს მხედველობაში მიიღება მჟავის მიერ მადუღარის კედლების კოროზიაც.

მაგალითები

• მარილმჟავა HCl
• აზოტმჟავა HNO₃
• ფოსფორმჟავა H₃PO₄
• გოგირდმჟავა H₂SO₄
• ბორმჟავა H₃BO₃
• ფთორწყალბადმჟავა HF
• ბრომწყალბადმჟავა HBr
• ქლორის მჟავა HClO₄
• იოდწყალბადმჟავა HI.

რესურსები ინტერნეტში

• Mineral Acids: Reregistration Eligibility Decision Fact Sheet – U.S. Environmental Protection Agency]]