მიგმატიტი

მიგმატიტი (ბერძნ. — mígma, ნათ. ბრ. mígmatos — ნარევი) — არაერთგვაროვანი, შერეული ქანი, რომელიც შედგება შემცველი მელანოკრატული მეტამორფული ქანისა და კვარციან-მინდვრისშპატიანი ან გრანიტის ძარღვებისაგან. მიგმატიტი წარმოიქმნება ქანებში ნივთიერების გარედან შეტანის ან მეტამორფული ქანების ნაწილობრივი დნობის შედეგად. ცნობილია მიგმატიტის სხვადასხვა მორფოლოგიური სახე: შრეებრივი მიგმატიტი (შემცველი ქანის შრეებრიობის ან ფიქლებრიობის თანხმობით ორიენტირებული ძარღვებით), აგმატიტი (ბრექჩიისებრი მიგმატიტი), პტიგმატიტი (ნაოჭა ძარღვებით) და სხვა. მიგმატიტი ფართოდ არის გავრცელებული ძველ გრანიტულ-გნაისურ კომპლექსებში. ქიმიური და ფიზიკური თვისებების მიხედვით მიგმატიტი სხვადასხვაგვარია. ტერმინი „მიგმატიტი“ შემოიტანა ფინელმა გეოლოგმა იაკობ სედერჰოლმმა 1907 წელს.

მიგმატიტი
პტიგმატიტი
ცნობები
ტიპი	მეტამორფული მაგმური

რესურსები ინტერნეტში

• მიგმატიტი — სტატია დიდი რუსული ენციკლოპედიიდან (რუსული)
• ყველაფერი გეოლოგიის შესახებ — მიგმატიტი (რუსული)

ლიტერატურა

• შენგელია დ., ქართული საბჭოთა ენციკლოპედია, ტ. 6, თბ., 1983. — გვ. 677.