მეტაგენეზი

მეტაგენეზი (მეტა... და ...გენეზი) — ცხოველების გამრავლების ისეთი ფორმა, რომლის დროსაც უსქესო და სქესობრივი თაობები კანონზომიერად მონაცვლეობენ. მეტაგენეზი ახასიათებთ ნაწლავღრუიანებს (უსქესო პოლიპებისა და სქესობრივი მედუზების მონაცვლეობა), ღრუბლებს, რგოლოვან ჭიებს, გარსიანებს და სხვას. არსებითად ამავე ტიპისაა თაობათა მორიგეობა მცენარეებშიც.

ლიტერატურა

• ქართული საბჭოთა ენციკლოპედია, ტ. 6, თბ., 1983. — გვ. 604.