მელარენის ტბა
მელარენის ტბა (შვედ. Mälaren) — ტბა შვედეთში. ქვეყანაში სიდიდით მესამე ტბაა ვენერნისა და ვეტერნის შემდეგ. მდებარეობს ზღვის დონიდან 0,3 მ-ზე, სტოკჰოლმთან ახლოს. ფართობი 1140 კმ², მაქსიმალური სიღრმე 61 მეტრი.
| მელარენის ტბა | |
|---|---|
 მელარენის ტბა | |
| კოორდინატები: 59°30′ ჩ. გ. 17°12′ ა. გ. / 59.500° ჩ. გ. 17.200° ა. გ. | |
| მდებარეობა |  შვედეთი
|
| სიმაღლე ზღვის დონიდან | 0,3 მ |
| სიგრძე | 120 კმ |
| სიგანე | 65 კმ |
| ფართობი | 1140 კმ² |
| მოცულობა | 13,6 კმ³ |
| სანაპირო ზოლის სიგრძე | 1410 კმ |
| საშუალო სიღრმე | 11,9 მ |
| მაქსიმალური სიღრმე | 61 მ |
| აუზის ფართობი | 21460 კმ² |
  | |
აღმოსავლეთ სანაპიროზე, სტოკჰოლმთან ბალტიის ზღვაში გაედინება სიოდერტელეს არხით. ტბა სვეალანდის პროვინციაში, უპლანდის, სედერმანლანდის, ნერკესი და ვესტმანლანდის საზღვარზე მდებარეობს. მელარენზე ორი მსხვილი კუნძულია: სელაიონი (Selaön, 91 კმ²) და სვარტშიოლანდეტი (Svartsjölandet, 79 კმ²).
სკანდინავიური მითოლოგიის თანახმად, ტბა ქალღმერთმა ჰეფიუნმა შექმნა, რომელსაც შვედეთის ძველი მეფე გულფი იმდენ მიწას დაპირდა, რამდენის წაღებასაც მოახერხებდა ერთ ღამეში ქალღმერთი. ჰეფიუნიმ თავისი ოთხი ვაჟი ხარებად აქცია და მათი დახმარებით მიწა დანიაში გადაიტანა, სადაც კუნძული ზელანდია ჩამოყალიბდა. ამ მიწის ადგილას კი, შვედეთში, ტბა მელარენი დაგუბდა.
იუნესკოს მსოფლიო მემკვიდრეობის ძეგლებს ადრეულშუასაუკუნეობრივი პოლიტიკური ცენტრი ბირკა და ერთ-ერთ კუნძულზე განლაგებული ციხესიმაგრე დროტნინგჰოლმი წარმოადგენს.
იხილეთ აგრეთვე
რედაქტირებარესურსები ინტერნეტში
რედაქტირება- Mälarguiden - Guide to Mälaren (მეტწილად შვედურად არის, მაგრამ ინგლისურადაც მოიპოვება რუკები)
- Strömma Kanalbolaget დაარქივებული 2006-11-08 საიტზე Wayback Machine. - სანაოსნო და საბორნე ტურები მელარენზე
- ციხესიმაგრეები მელარენის ირგვლივ