ლუბომირ ივანოვიჩი
ლუბომირ „ლუბა“ ივანოვიჩი დ. 24 თებერვალი, 1882, ბელგრადი, სერბეთის სამეფო — გ. 23 ნოემბერი, 1945, ბელგრადი, იუგოსლავიის სამეფო ) — სერბი გრავიორი და მხატვარი, სერბეთის სამეფო აკადემიის წევრი. ერთ-ერთი პირველი სერბი იმპრესიონისტი. [3]
| ლუბომირ ივანოვიჩი | |
|---|---|
| დაიბადა | 24 თებერვალი, 1882[1] |
| დაბადების ადგილი | ბელგრადი[2] |
| გარდაიცვალა | 23 ნოემბერი, 1945[1] (63 წლის) |
| გარდაცვალების ადგილი | ბელგრადი[2] |
| ხელმოწერა |
 |
ბიოგრაფია
რედაქტირებალუბომირ ივანოვიჩი სწავლობდა კირილ კუტლიკის სერბეთის ხატვის სკოლაში, შემდეგ კი ბეტა ვუკანოვიჩისა და რისტო ვუკანოვიჩის დეკორატიული და გამოყენებითი ხელოვნების სკოლაში ბელგრადში (1899–1905). ახალგაზრდა მხატვარმა თავისი ნამუშევრები პირველად 1904 წელს გამოფინა იუგოსლავიის პირველ ხელოვნების გამოფენაზე. [4]
1905 წელს იგი გაემგზავრა მიუნხენში და ჩაირიცხა ანტონ აზბეს კერძო სამხატვრო სკოლასა და აკადემიაში [3] (1905-1909) .[4]
სწავლის დასრულების შემდეგ ლუბომირ ივანოვიჩი სამშობლოში დაბრუნდა და გიმნაზიაში მასწავლებლად დაიწყო მუშაობა.
პირველი მსოფლიო ომის დროს ივანოვიჩი საავადმყოფოს სანიტარი იყო. ამ პერიოდში მან მოახერხა რამდენიმე ნამუშევრის შექმნა: 1915 წელს ნახატი სახელწოდებით "Running" (გარბენი), სადაც აღბეჭდილია ჯარის უკანდახევის მომენტი და იმავე პერიოდის — „დაღუპული ჯარისკაცი“ [5] .
ომის შემდეგ ლუბომირ ივანოვიჩი გახდა ბელგრადის ხელოვნებისა და ხელოსნობის სკოლის ხატვის პროფესორი.
ლუბომირ ივანოვიჩი იყო ბელგრადის მხატვართა ასოციაციის (1919) ერთ-ერთი დამფუძნებელი და ხელოვნების ასოციაცია „ლადას“ წევრი. [4] 1922 წელს გახდა სერბეთის სამეფო აკადემიის (მოგვიანებით სერბეთის მეცნიერებათა და ხელოვნების აკადემიის) წევრი. [5]
მეგობარ ვასა პომორისაკთან ერთად მოგზაურობისას შექმნა მთელი რიგი ნახატები, რომლებიც შემდგომში გამოქვეყნდა რამდენიმე სპეციალურად გამოშვებულ ალბომში. [5]
1940-1945 წლებში იყო ბელგრადის სახვითი ხელოვნების აკადემიის გრაფიკისა და გრავიურის პროფესორი. [4]
ლუბომირ ივანოვიჩის ნამუშევრების ნახვა შესაძლებელია მთელი ქვეყნის სამხატვრო გალერეებსა და მუზეუმებში. მხატვრის ზოგიერთი ნამუშევარი ინახება მილან იოვანოვიჩ სტოიმიროვიჩის კოლექციაში. [3]
მხატვრის ნამუშევრები
რედაქტირება-
ქალი ინტერიერში, 1916 წ -
სოკო ბანია, 1930 წ -
ქალი ქუდით -
პორტალი Ljubostinje, ჩანახატი -
თეთრი ეკლესია, 1937 წ -
თავი, 1920-1922 წწ -
ახალგაზრდა კაცის პორტრეტი 1940 წ -
მოტივი სამხრეთ სერბეთიდან, 1936 წ -
სამი ფიგურა -
ხის გრაფიკა -
ძველი სახლები, ჩანახატი, 1938 წ -
მონასტრის ეკლესიის ინტერიერი, 1938 წ. -
მოტივი კრატოვიდან, 1939 წ -
მოტივი ბითოლიდან (თეკე), 1927 წ -
მოტივი ოჰრიდან, 1927 წ
_-_Bela_Crkva,_1937.jpg)
_-_Glava,_1920-1922.jpg)
_-_Portret_Mladog_Mu%C5%A1karca,_1940.jpg)
_-_Motiv_Iz_Ju%C5%BEne_Srbije,_1936.jpg)
.jpg)
სქოლიო
რედაქტირება- ↑ 1.0 1.1 http://en.isabart.org/person/86131
- ↑ 2.0 2.1 Catalog of the German National Library
- ↑ 3.0 3.1 3.2 Любомир Иванович — Ljubomir Ivanović. ციტირების თარიღი: 2023-04-21
- ↑ 4.0 4.1 4.2 4.3 Выставка рисунков и гравюр Любомира Ивановича в Сане. ციტირების თარიღი: 2023-04-21
- ↑ 5.0 5.1 5.2 Любомир Иванович — Ljubomir Ivanović. ციტირების თარიღი: 2023-04-21