ლევან ვეფხვაძე

ლევან ვეფხვაძე (დ. 4 ოქტომბერი, 1974, თბილისი) — ქართველი მათემატიკოსი, ჟურნალისტი და პოლიტიკოსი.

ლევან ვეფხვაძე
დაბადების თარიღი	4 ოქტომბერი, 1974 (1974-10-04)
დაბადების ადგილი	თბილისი
მოქალაქეობა	საქართველო
განათლება	თბილისის სახელმწიფო უნივერსიტეტი
ეროვნება	ქართველი
რელიგია	მართლმადიდებელი
საქმიანობა	საქართველოს საერთაშორისო ენერგეტიკული კორპორაციის გენერალური დირექტორი, საქართველოს ბიზნეს ასოციაციის გენერალური დირექტორი.

ბიოგრაფია

1996 წელს წითელი დიპლომით დაამთავრა ივანე ჯავახიშვილის სახელობის თბილისის სახელმწიფო უნივერსიტეტის მექანიკა-მათემატიკის ფაკულტეტი, ხოლო 1997 წელს იმავე უნივერსიტეტის ხელოვნებისა და ჰუმანიტარულ პროფესიათა ფაკულტეტი. 1995–1996 წლებში იყოს თსუ სტუდენტთა და ასპირანტთა კავშირის პრეზიდენტი. 1998–1999 წლებში მუშაობდა საქართველოს მოქალაქეთა კავშირის პრეს-მდივანად. 2000–2001 წლებში იყო საქართველოს ევროატლანტიკურ ასოციაციის გამგეობის თავმჯდომარე.

2001 წლიდან დაიწყო მუშაობა ტელევიზიაში. იყო TBC-TV სტუდიის გადაცემის „რას ფიქრობს ხალხი“ მთავარი კონსულტანტი; 2002–2003 წლებში ტელეკომპანია „მზეს“, საინფორმაციო გადაცემა „მზერას“ პროდიუსერი; 2003–2008 წლებში ტელეკომპანია „იმედის“, საკვირაო გადაცემა „დროებას“ პროდიუსერი, ხოლო 2006–2008 წლებში — ამავე არხის საზოგადოებრივ-პოლიტიკური პროგრამების დირექტორის მოადგილე.

2008 წლის თებერვალში ამავე გადაცემის წამყვან გიორგი თარგამაძესთან და სხვა ჟურნალისტებთან ერთად ჩამოაყალიბა ქრისტიან-დემოკრატიული მოძრაობა, რომელმაც იმავე წლის საპარლამენტო არჩევნებში მიიღო ხმათა 8,66% და 2008–2012 წლებში იყო საქართველოს მე-7 მოწვევის პარლამენტის წევრი პარტიული სიით, საარჩევნო ბლოკი: „გიორგი თარგამაძე — ქრისტიან-დემოკრატები“.

2008 წლის ივლისიდან ასრულებდა საქართველოს პარლამენტის თავმჯდომარის მოადგილის მოვალეობას.

2012 წელს საქართველოს ქრისტიან-დემოკრატიული მოძრაობამ ვერ გადალახა პარლამენტში მოხვედრისთვის საჭირო 5% იანი ბარიერი, რის შემდეგაც ლევან ვეფხვაძემ დატოვა საქართველო და დიდი ბრიტანეთში გაემგზავრა, სადაც 2014–2016 წლებში წარმატებით დაამთავრა გლობალური ენერგო მენეჯმენტისა და რაოდენობრივი ფინანსების სამაგისტრო კურსები (გლაზგო, სტრატკლაიდის უნივერსიტეტი).

2016–2018 წლებში დაინიშნა საქართველოს ინდუსტრიული ჯგუფის დირექტორთა საბჭოს წევრად და ასრულებდა სტრატეგიულ საკითხებში გენერალური დირექტორის მრჩევლის მოვალეობას.

2018 წელს დაინიშნა საქართველოს საერთაშორისო ენერგეტიკული კორპორაციის გენერალურ დირექტორად.

ამასთან, 2017 წლის დეკემბერში აირჩიეს საქართველოს განხლებადი ენერგიის განვითარების ასოციაციის გამგეობის თავმჯდომარედ.

2019 წელს დაინიშნა საქართველოს ბიზნეს ასოციაციის გენერალურ დირექტორად.

რესურსები ინტერნეტში

• ლევან ვეფხვაძე — საქართველოს ბიოგრაფიული ლექსიკონი
• ლევან ვეფხვაძე — საქართველოს პარლამენტის ოფიციალური საიტი (მოძველებული / არქივი / ახალი არქივი)