ლგბტ უფლებები ჩრდილოეთ კორეაში

ლგბტ უფლებები ჩრდილოეთ კორეაში — ლესბოსელი, გეი, ბისექსუალი და ტრანსგენდერი (ლგბტ) პირები ჩრდილოეთ კორეაში ისეთი სამართლებრივი გამოწვევების წინაშე დგანან, რომლებსაც არ განიცდიან ჰეტეროსექსუალი მაცხოვრებლები. ჰომოსექსუალობა და ღიად ტრანსგენდერობა არ არის იურიდიულად უკანონო ჩრდილოეთ კორეაში, მაგრამ არალეგალურია წესიერების და უხამსობის შესახებ კანონით. ავსტრალიის მთავრობის Smart Traveller ვებსაიტის თანახმად, „ერთნაირსქესიანთა ურთიერთობები ლეგალურია, მაგრამ ხელისუფლება არ თვლის მისაღებად“. [1]

სისხლის სამართლის კანონებირედაქტირება

ჰომოსექსუალიზმისა და ტრანსგენდერის საკითხები ოფიციალურად არ არის განხილული სისხლის სამართლის კოდექსში. ზოგჯერ სისხლისსამართლებრივი სანქციები მიიღება ჰომოსექსუალობის ან არასათანადო გენდერული გამოხატვის წინააღმდეგ, რომელიც ითვლება „სოციალისტური ცხოვრების წესის საწინააღმდეგოდ“. მიუხედავად იმისა, რომ სასჯელი იშვიათი იყო, The Korea Times–ის ცნობით, ჩრდილოეთ კორეამ სიკვდილით დასაჯა ლესბოსელი წყვილი კაპიტალიზმის გავლენის ქვეშ მოქცევისა და საზოგადოებრივი ზნეობის დარღვევის გამო. [2]

2009 წლის სისხლის სამართლის ეროვნული კოდექსში შესწორებები შეიძლება შეიცავდეს დებულებებს, რომლებიც შეიძლება გამოყენებულ იქნეს ლგბტ ადამიანების მიმართ დისკრიმინაციული ფორმით, ინტერპრეტაციის მიხედვით.

193-ე მუხლი კრძალავს „დეკადენტური“ კულტურის შექმნას, გავრცელებასა თუ ფლობას. 194-ე მუხლი კრძალავს სექსუალურ გამოხატულებებს მედიაში, აგრეთვე, „დეკადანტური“ ქცევის განხორციელებას.

კონსტიტუციური სამართალირედაქტირება

ჩრდილოეთ კორეის კონსტიტუცია, რომელიც ბოლოს განახლდა 2012, 2013, 2016 და 2019 წლებში, პირდაპირ არ ეხება დისკრიმინაციას სექსუალური ორიენტაციის ან გენდერული იდენტობის საფუძველზე. კონსტიტუცია ფართო გარანტიას აძლევს მის მოქალაქეებს მრავალი სამოქალაქო, კულტურული, ეკონომიკური და პოლიტიკური უფლებების საკითხში, მათ შორისაა „თანაბარი უფლებებით სარგებლობა სახელმწიფო და საზოგადოებრივი საქმიანობის ყველა სფეროში“. [3]

საოჯახო პოლიტიკარედაქტირება

90-იანი წლებიდან რადიო თავისუფალი აზიის ცნობით, ჩრდილოეთ კორეის მთავრობის შესახებ ნათქვამია, რომ ისინი ვინც „სხვანაირად გამოიყურებიან“, ქორწინებამდე მრუშობენ და ღალატობენ მეუღლეს, იგმობიან. [4]

მედიის კონტროლი და ცენზურარედაქტირება

დაუშვებელია ლგბტ ადამიანების პოზიტიური კუთხით წარმოჩენა ან ლგბტ უფლებების დაცვა.  ამერიკის ხმის კორეულმა სამსახურმა აღნიშნა, რომ ჰომოსექსუალობის შესახებ ნებისმიერი საჯარო განხილვა ძალიან ტაბუდადებულია, თუმცა არა უკანონო. [5]

სამხედრო სამსახურირედაქტირება

სამხედრო კანონი ავალდებულებს დაუქორწინებლობას პირველი 10 წლის განმავლობაში. გავრცელებული ინფორმაციით, მამაკაცი ჯარისკაცები რეგულარულად არღვევენ ამ წესს და დაკავებული არიან ჩვეულებრივი ჰეტეროსექსუალური და ჰომოსექსუალური ქმედებებით. ეს ჰომოსექსუალური ურთიერთობები აღწერილია, როგორც სიტუაციური სექსუალური ქცევა და არა როგორც, სექსუალური ორიენტაცია . [6]

პოლიტიკა და პროპაგანდარედაქტირება

ჩრდილოეთ კორეა გაერთიანებული ერების ორგანიზაციაში ეწინააღმდეგებოდა როგორც „ერთობლივ განცხადებებს ძალადობის აქტების დასრულების შესახებ, ასევე ადამიანის უფლებათა დარღვევებს სექსუალური ორიენტაციისა და გენდერული იდენტობის საფუძველზე.“ [7] მისი ზუსტი მიზეზები გაურკვეველი რჩება.

ჩრდილოეთ კორეის პროპაგანდა, ისევე როგორც სახელმწიფოს მიერ კონტროლირებადი მედია, თითქმის ყოველთვის ასახავს ჰომოსექსუალობას, როგორც დასავლური (და განსაკუთრებით ამერიკული ) ზნეობის მახასიათებელს. [8]

2014 წელს, მას შემდეგ, რაც გაეროს ადამიანის უფლებათა საბჭომ გამოაქვეყნა მოხსენება ჩრდილოეთ კორეაში ადამიანის უფლებების შესახებ, რომელიც სისხლის სამართლის საერთაშორისო სასამართლოსთვის მიმართვებს ეყრდნობოდა, კორეის ოფიციალურმა ცენტრალურმა სააგენტომ უპასუხა სტატიით, რომელშიც შედის ჰომოფობიური შეურაცხყოფები მოხსენების ავტორ მაიკლ კირბის წინააღმდეგ, რომელიც არის ღიად გეი. სტატიაში ნათქვამია, რომ გეი ქორწინება „ვერასოდეს მოიძებნება კორეის სახალხი დემოკრატიულ რესპუბლიკაში. ისინი ამაყობენ ჯანსაღი მენტალიტეტით და კარგი მორალით, ხოლო ჰომოსექსუალობა დასავლეთის ქვეყნებშიც კი საზოგადოების კრიტიკის ობიექტი გახდა. სინამდვილეში, სასაცილოა ასეთი გეისთვის, რომ სპონსორი გახდეს სხვა ადამიანების უფლებების საკითხების მოგვარებისა.“ [9]

კულტურარედაქტირება

განდგომილებმა დაადასტურეს, რომ ჩრდილოეთ კორეელთა უმეტესობამ არ იცის, რომ ჰეტეროსექსუალის გარდა რამე სხვა სექსუალური ორიენტაციაც თუ არსებობს. ჰომოსექსუალება უმეტესობამ მხოლოდ მას შემდეგ გააცნობიერა, რაც გაიგეს რომ ჰომოსექსუალობის იდეა არსებობს. [10] [11]

შემაჯამებელი ცხრილირედაქტირება

ერთნაირსქესიანთა სექსუალური აქტივობა ლეგალურია  /  (უცნობია)
სექსუალური ცხოვრების დაწყების ასაკი  /  (სასჯელი უცნობია)
ანტიდისკრიმინაციული კანონები მხოლოდ დასაქმების დროს
ანტიდისკრიმინაციული კანონები საქონლისა და მომსახურების მიწოდებაში
ანტიდისკრიმინაციული კანონები ყველა სხვა სფეროში (მათ შორის, არაპირდაპირი დისკრიმინაცია, სიძულვილის ენა)
ერთნაირსქესიანთა ქორწინება
ერთნაირსქესიანი წყვილების აღიარება
შვილად აყვანა ერთნაირსქესიანი წყვილების მიერ
ერთნაირსქესიანი წყვილების მიერ ერთობლივად შვილის აყვანა
ლგბტ ადამიანებს სამხედრო სამსახურში ღიად მსახურობის უფლება აქვთ
სქესის შეცვლის იურიდიული უფლება
ლესბოსელების IVF-ზე წვდომა
კომერციული სუროგაცია გეი მამაკაცი წყვილებისთვის
მსმ-ებს სისხლის დონაციის უფლება აქვთ

სქოლიორედაქტირება

  1. North Korea (Democratic People's Republic of Korea). Australian Department of Foreign Affairs and Trade. ციტირების თარიღი: 25 November 2019.
  2. North executes lesbians for being influenced by capitalism (2011-09-29). ციტირების თარიღი: 6 February 2015.
  3. Socialist Constitution of the Democratic People's Republic of Korea (Full Text) 1998. Novexcn.com (1998-09-05). დაარქივებულია ორიგინალიდან — 5 February 2012. ციტირების თარიღი: 2012-08-05.
  4. United Nations High Commissioner for Refugees. (2008-04-14) Refworld | Love and sex in North Korea. UNHCR. დაარქივებულია ორიგინალიდან — 2013-04-16. ციტირების თარიღი: 2012-08-05.
  5. Dynamic-Korea. Dynamic-Korea (2010-02-10). დაარქივებულია ორიგინალიდან — 2010-09-23. ციტირების თარიღი: 2012-08-05.
  6. Martin (2006) Under the Loving Care of the Fatherly Leader, p. 521
  7. Over 80 Nations Support Statement at Human Rights Council on LGBT Rights » US Mission Geneva.
  8. Meyers, Brian R. The Cleanest Race. Melville House Publishing, 2010, chapter 5
  9. KCNA Commentary Slams Artifice by Political Swindlers. the Korean Central News Agency (KCNA) (22 April 2014). დაარქივებულია ორიგინალიდან — 29 ივლისი 2014. ციტირების თარიღი: 17 August 2015.
  10. Being gay in the DPRK. ციტირების თარიღი: 8 April 2016.
  11. North Korean Defector Opens Up About Long-Held Secret: His Homosexuality. ციტირების თარიღი: 8 April 2016.