კოლინ ფარელი

კოლინ ჯეიმზ ფარელი (ინგლ. Colin James Farrell, დ. 31 მაისი, 1976) — ირლანდიელი კინომსახიობი. ცნობილი გახდა შემდეგ ფილმებში მონაწილეობით: „ალექსანდრე“, „ტელეფონის ჯიხური“, „განსაკუთრებული აზრი“, „ახალბედა“, და მრავალი სხვა. ჟურნალმა „People“ 2003 წელს კოლინი დაასახელა მსოფლიოს ორმოცდაათიდან ერთ-ერთ ულამაზეს ადამიანად; ჟურნალ Company-ს რეიტინგის მიხედვით ის ამავე წლის მეექვსე სექსუალური მამაკაცია.

კოლინ ფარელი
დაბადების სახელი	კოლინ ჯეიმზ ფარელი
დაბადების თარიღი	31 მაისი, 1976 (1976-05-31)  ირლანდია, დუბლინი
საქმიანობა	მსახიობი
აქტიური	1996 — დღემდე
ოქროს გლობუსი	საუკეთესო მსახიობი კაცი მიუზიკლსა ან კომედიაში 2008 — ბრიუგეში

ბიოგრაფია

სიყმაწვილე

კოლინ ფარელი დაიბადა 1976 წლის 31 მაისს დუბლინში (ირლანდია). ის იყო მეოთხე ბავშვი პროფესიონალი ფეხბურთელის, იმონ ფარელის, ოჯახში. კოლინს ჰყავდა ორი და, კლოდინი (მისი პერსონალური ასისტენტი) და კეტრინი, და ძმა — იმონ-უმცროსი. იზრდებოდა, როგორც კათოლიკე.

როდესაც კოლინი 10 წლის იყო, ოჯახი საცხოვრებლად გადავიდა დუბლინის გარეუბან კასლნოკში. კოლინი დადიოდა „St. Brigid’s National School Castleknock“-ში, „Castleknock College“-სა და „Gormanston College“-ის შემდეგ. გადიოდა მოსმენებს ჯგუფ Boyzone-ში, როდესაც ჯერ კიდევ არ იყო ცნობილი, მაგრამ უშედეგოდ .

სიყმაწვილეში ფარელი გამოირჩეოდა საკმაოდ სპორტული ხასიათით — სკოლის ნაცვლად ის ამჯობინებდა მეგობრებთან ხეტიალს ადგილობრივ ბარებში, ეწეოდა მარიჰუანას და ქურდობდა მაღაზიებში. 17 წლის ასაკში ის სკოლიდან გააგდეს მასწავლებელთან ჩხუბის გამო, რომელმაც გაკვეთილზე მძინარე კოლინი შენიშნა და მობოდიშების ნაცვლად ნაცემი აღმოჩნდა. ამ ინციდენტის შემდეგ კოლინი ერთი წლით მეგობრებთან ერთად გაემგზავრა ავსტრალიაში.

ფილმოგრაფია

წელი		ქართულად	მშობლიური სახელწოდება	როლი
2000	ფ	ვეფხვების ქვეყანა	Tigerland	როლანდ ბოზი
2002	ფ	ჰარტის ომი	Hart's War	ტომას ჰარტი
2002	ფ	განსაკუთრებული აზრი	Minority Report	დენი ვიტვერი
2003	ფ	ტელეფონის ჯიხური	Phone Booth	შეპარდი
2003	ფ	ვერონიკა გუერინი	Veronica Guerin	ბიჭი ტატუთი
2003	ფ	თავზეხელაღებული	Daredevil	ხარისთვალა
2003	ფ	განხეთქილება	Intermission	ლეჰიფი
2003	ფ	ახალბედა	The Recruit	ჯეიმზ დაგლას კლეიტონი
2003	ფ	სპეცრაზმი	S.W.A.T.	ჯიმ სტრიტი
2004	ფ	ალექსანდრე	Alexander	ალექსანდრე მაკედონელი
2004	ფ	სახლი ქვეყნიერების დასასრულში	A Home at the End of the World	ბობი მოროუ
2005	ფ	ახალი სამყარო	The New World	კაპიტანი ჯონ სმითი
2006	ფ	შეეკითხეთ მტვერს	Ask the Dust	არტურო ბანდინი
2007	ფ	კასანდრას სიზმარი	Cassandra's Dream	ტერი
2008	ფ	ბრიუგეში	In Bruges	რეი
2009	ფ	დოქტორ პარნასის წარმოსახვა	The Imaginarium of Doctor Parnassus	ტონის ტრანსფორმაცია
2009	ფ	შეშლილი გული	Crazy Heart	ტომ სვიტი
2009	ფ	უნდინა	Ondine	სირაკუზი
2010	ფ	ლონდონის ბულვარი	London Boulevard	ჰარი მიტჩელი
2011	ფ	აუტანელი ბოსები	Horrible Bosses	ბობი პელიტი
2013	ფ	მისტერ ბენქსის გადასარჩენად	Saving Mr. Banks	რობერტ გოფი
2014	ფ	ზამთრის ზღაპარი	Winter's Tale	პიტერ ლეიკი
2015	ფ	ნამდვილი დეტექტივი	True Detective	დეტექტივი რეი ველკორო

ჯილდოები და ნომინაციები

ჯილდოები

• 2000 — ბოსტონის კინოკრიტიკოსების საზოგადოების პრემია — საუკეთესო მსახიობი (ფილმისთვის „ვეფხვების ქვეყანა“)
• 2002 — შანხაის საერთაშორისო ფესტივალის პრემია — საუკეთესო მსახიობი (ფილმისთვის „ჰარტის ომი“)
• 2003 — ლონდონის კინოკრიტიკოსების საზოგადოების პრემია — ბრიტანელი მსახიობის საუკეთესო დებიუტი (ფილმისთვის „ვეფხვების ქვეყანა“)
• 2003 — პრემია „ახალგაზრდების არჩევანი“ — საუკეთესო ბოროტმოქმედი (ფილმისთვის „თავზეხელაღებული“)
• 2003 — პრემია კინოსა და ტელევიზიის ირლანდიური აკადემიის — საუკეთესო მსახიობი (საზოგადოებრივი ხმის მიცემა)
• 2004 — პრემია MTV Movie Awards, Mexico — საუკეთესო მსახიობი (ფილმისთვის „ანგელოზთა ქალაქის სპეცრაზმი“)
• 2009 — პრემია „ოქროს გლობუსი“ — საუკეთესო მსახიობი მიუზიკლში ან კომედიაში (ფილმისთვის „ბრიუგეში“)
• 2010 — პრემია კინოსა და ტელევიზიის ირლანდიური აკადემიის — საუკეთესო მსახიობი (ფილმისთვის „უნდინა“)

ნომინაციები

• 2003 — პრემია „Empire Awards“ — საუკეთესო მსახიობი (ფილმისთვის „განსაკუთრებული აზრი“)
• 2003 — კინოსა და ტელევიზიის ირლანდიური აკადემიის პრემია — საუკეთესო მსახიობი (ფილმისთვის „ანგელოზთა ქალაქის სპეცრაზმი“)
• 2003 — MTV-ის კინოპრემია — საუკეთესო ბოროტმოქმედი (ფილმისთვის „თავზეხელაღებული“)
• 2003 — კინოსა და ტელევიზიის ირლანდიური აკადემიის პრემია — საუკეთესო მეორეხარისხოვანი მსახიობი (ფილმისთვის „განხეთქილება“)
• 2004 — კინოსა და ტელევიზიის ირლანდიური აკადემიის პრემია — საუკეთესო მსახიობი (ფილმისთვის „სახლი ქვეყნიერების დასასრულში“)
• 2005 — ანტიპრემია „ოქროს ჟოლო“ — ყველაზე ცუდი მსახიობი (ფილმ „ალექსანდრესთვის“)

რესურსები ინტერნეტში

ვიკისაწყობში არის გვერდი თემაზე:

კოლინ ფარელი

• Colinfarrell.org დაარქივებული 2014-09-07 საიტზე Wayback Machine. ოფიციალური საიტი (ინგლისური)
• მსახიობის ბიოგრაფია Tiscali.co.uk-ზე (ინგლისური)
• კოლინ ფარელი Twitter-ზე
• Colinfarrellfansite.com არაოფიციალური საიტი (ინგლისური)
• colinfarrell.ucoz.ru არაოფიციალური საიტი (რუსული)