კეჩკემეტი

კეჩკემეტი (უნგრ. Kecskemét) — ქალაქი ცენტრალურ უნგრეთში; ქვეყნის სიდიდით მერვე ქალაქი და ბაჩ-კიშკუნის მედიეს ადმინისტრაციული ცენტრი.

ქალაქი
კეჩკემეტი Kecskemét
ქალაქის მერია და ეკლესია
დროშა გერბი
ქვეყანა	უნგრეთი
მედიე	ბაჩ-კიშკუნიბაჩ-კიშკუნის მედიე|ბაჩ-კიშკუნი
კოორდინატები	46°54′22″ ჩ. გ. 19°41′23″ ა. გ.
მერი	Klaudia Szemerey-Pataki
ფართობი	321,36 კმ²
ცენტრის სიმაღლე	105±1 მეტრი
მოსახლეობა	114 226 კაცი (2012)
სიმჭიდროვე	338,98 კაცი/კმ²
სასაათო სარტყელი	UTC+1, ზაფხულში UTC+2
სატელეფონო კოდი	+76
საფოსტო ინდექსი	6000
ოფიციალური საიტი	kecskemet.hu
კეჩკემეტი ვიკისაწყობში

კეჩკემეტი მდებარეობს დედაქალაქ ბუდაპეშტისა და უნგრეთის მესამე უდიდეს ქალაქის — სეგედის შუა მონაკვეთში; ორივე მათგანისგან დაშორებულია 86 კილომეტრით. ასევე თითქმის თანაბარი მანძილები აშორებს ქვეყნის ორ უდიდეს მდინარეს — დუნაისა და ტისას. სეგედთან ერთად წარმოადგენს სამხრეთის დიდი ვაკის ცენტრს.

სახელი მომდინარეობს უნგრული სიტყვა kecske-დან, რაც „თხას“ ნიშნავს. არქეოლოგიური გათხრების შედეგად არეალში აღმოჩენილი ადამიანთა კვალი ხუთი ათასი წლის წინანდელია.

გეოგრაფია

ქალაქი გაშენებულია ზღვის დონიდან 120 მეტრზე. მის დასავლეთით არსებული ტერიტორია დაფარულია ქვიშის დიუნებით. XVIII საუკუნის დასასრულსა და XIX საუკუნის დასაწყისში არსებული საძოვრები გამოილია; მზარდმა მეცხოველეობამ გაანადგურა მცენარეული საფარი და ქვიშის გადაადგილებამ ქალაქს სერიოზული საფრთხე შეუქმნა. ნიადაგის საფარის განახლების მიზნით რგავენ ხეხილსა და ვაზს.

ქალაქის კლიმატი კონტინენტური მშრალია, ხანდახან უკიდურესად. ყველაზე თბილი თვის, ივლისის საშუალო ტემპერატურა 20,9 °C-ია, ყველაზე ცივის, იანვრის კი −1,9 °C.

იხილეთ აგრეთვე

• უნგრეთის ქალაქების სია

რესურსები ინტერნეტში

• ოფიციალური საიტი
• Kecskemét's local map დაარქივებული 2008-04-05 საიტზე Wayback Machine.
• Aerial photography: Kecskemét
• "History" დაარქივებული 2008-05-04 საიტზე Wayback Machine. , City Website
• "Hungarian Museum of Photography", Official Website, English