კეტრინ კორტეს-მასტო
კეტრინ კორტეს-მასტო (ინგლ. Catherine Cortez Masto), დაბადებით კეტრინ მარი კორტესი (ინგლ. Catherine Marie Cortez; დ. 29 მარტი, 1964, ლას-ვეგასი) — ამერიკელი იურისტი და პოლიტიკოსი, აშშ-ის დემოკრატიული პარტიის წევრი, ნევადის შტატის წარმომადგენელი აშშ-ის სენატში 2017 წლის 3 იანვრიდან. ესპანურენოვანი მოსახლეობის პირველი ქალი წარმომადგენელი სენატში. 2007-2015 წლებში იყო ნევადის გენერალური პროკურორი.
| კეტრინ კორტეს-მასტო Catherine Cortez Masto | |
 | |
| აშშ-ის სენატორი ნევადის შტატიდან | |
|---|---|
| ამჟამინდელი თანამდებობა | |
| დაიკავა | 3 იანვარი, 2017 |
| წინამორბედი | ჰარი რიდი |
ნევადის გენერალური პროკურორი | |
| თანამდებობაზე ყოფნის დრო | |
| 1 იანვარი, 2007 – 5 იანვარი, 2015 | |
| წინამორბედი | ჯორჯ კანოსი |
| მემკვიდრე | ადამ ლეგზოლტი |
| დაბადებული | 29 მარტი, 1964 ლას-ვეგასი, ნევადა, აშშ |
| პოლიტიკური პარტია | დემოკრატიული პარტია |
ბიოგრაფია
რედაქტირებაკეტრინ კორტესი დაიბადა 1964 წლის 29 მარტს ლას-ვეგასში, ნევადა. მენი კორტესისა და ჯოანა მუსოს ღარიბ ოჯახში, რომლებიც ცხოვრობდნენ ლას-ვეგასის ღარიბთა რაიონში, კეტრინის მამა მონაწილეობდა კორეის ომში, რომლის დასრულების შემდეგაც დაოჯახდა იტალიური წარმოშობის ჯოანა მუსოზე. გარდა კეტრინისა მათ ყავდათ კიდევ ერთი გოგონა — სინტია. მენი კორტესმა მოგვიანებით მიიღო მთავარი აღმასრულებელი დირექტორის თანამდებობა კომპანიაში Las Vegas Convention and Visitors Authority, რომელიც ემსახურებოდა ლას-ვეგასში ჩასულ ტურისტებს[1].
1986 წელს კეტრინმა მიიღო ხელოვნების ბაკალავრის ხარისხი ნევადის უნივერსიტეტის დასრულების შემდეგ, ხოლო 1990 წელს გონზაგის უნივერსიტეტის სამართლის დოქტორის ხარისხი[2].
1990 წელს მონაწილეობდა ნევადის ადვოკატთა კოლეგიაში და მიიღო სამუშაო ლას-ვეგასის იურიდიულ ფირმაში, მუშაობდა სამოქალაქო სამართალზე. 1995 წელს გუბერნატორმა ბობ მილერმა დანიშნა სამხრეთ ნევადაში გუბერნატორის ოფისის ხელმძღვანელად, ხოლო შემდეგ — გუბერნატორის ადმინისტრაციის მეთაურად. 2000 წელს ვაშინგტონში გახდა პროკურორის ასისტენტი, 2002 წელს — კლარკის ოლქის მმართველის ასისტენტი[3].
2007-2015 წლებში ეკავა ნევადის პროკურორის თანამდებობა. მან საზოგადოებრივი პოპულარობა მოიპოვა მას შემდეგ, რაც ჩაატარა გამოძიება ამერიკის ბანკის მიერ „ფინანსურად არასტაბილური კლიენტებისათვის“ პროცენტის გაზრდის გამო[4].
2016 წლის 8 ნოემბერს თანამდებობიდან გადადგა სენატორი ნევადის შტატიდან ჰარი რიდი, რომელიც 3 წლის განმავლობაში (1987 წლიდან 2017 წლამდე) წარმოადგენდა შტატს აშშ-ის სენატში. კეტრინ კორტესმა მონაწილეობა მიიღო სენატორის არჩევნებში და დაამარცხა რესპუბლიკელი ჯო ჰეკი. თავისი წინასაარჩევნო კამპანია ააგო აშშ-ის საპრეზიდენტო კანდიდატის, დონალდ ტრამპის საარჩევნო კამპანიის ძირითადი დებულებების საწინააღმდეგოდ, მათ შორის მექსიკიდან არალეგალური იმიგრაციის ჩახშობასთან დაკავშირებით, ასევე ხაზს უსვამდა მის ორაზროვან განცხადებებს ვეტერანებსა და ქალებთან დაკავშირებით[5]. არჩევნების შედეგად მიიღო 521 994 ამომრჩევლის ხმა, ანუ 47,1 %, ხოლო მისმა მოწინააღმდეგემ 44,67 %. ამრიგად, კორტეს-მასტო გახდა ნევადის შტატიდან პირველი სენატორი ქალი და პირველი ესპანურენოვანი საზოგადოების ქალი წარმომადგენელი აშშ-ის სენატში[6].
2017 წლის ოქტომბერში კორტეს-მასტომ დაგმო მიანმარში როჰინჯების მუსლიმური უმცირესობის გენოციდი და მოუწოდა ქვეყნის ხელისუფლებას კრიზისის უფრო ძლიერი რეაგირებისკენ[7]. იგი ასევე მხარს უჭერს ერთსქესიანთა ქორწინებას[8]. კეტრინ კორტეს-მასტო დაოჯახებულია აშშ-ის საიდუმლო სამსახურის ყოფილ აგენტზე პოლ მასტოზე[9].
სქოლიო
რედაქტირება- ↑ Jenny Manrique. (2016-10-14) Quién es Catherine Cortez Masto, la mujer de Nevada que aspira a ser la primera latina en llegar al Senado. UNVision. ციტირების თარიღი: 2016-11-26.
- ↑ Michael Oleaga. (2015-03-30) Catherine Cortez Masto, Nevada Latina Politician Who Could Replace Harry Reid: What You Need To Know. Latin Post. ციტირების თარიღი: 2016-11-26.
- ↑ Departure reduces race to a blip on the political radar. Las Vegas Sun (2006-10-14). ციტირების თარიღი: 2016-11-26.
- ↑ Alexandra Sims. (2016-11-10) Catherine Cortez Masto: Nevada elects first Latina to US Senate. Independent. ციტირების თარიღი: 2016-11-26.
- ↑ Dave Philips. (2016-11-09) Catherine Cortez Masto Wins Nevada to Become First Latina Senator. The New York Times. ციტირების თარიღი: 2016-11-26.
- ↑ Chris Summers. (2016-11-09) First ever Latina senator elected: Catherine Cortez Masto wins in Nevada and says 'it's about time our government mirrors the diversity of our nation'. MailOnline. ციტირების თარიღი: 2016-11-26.
- ↑ „Sen. Todd Young urges action to end Muslim genocide in Myanmar“. IndyStar. October 22, 2017. ციტირების თარიღი: March 5, 2019.
- ↑ Joe Heck vs. Catherine Cortez Masto: Nonpartisan Candidate Guide For 2016 Nevada Senate Race (11 October 2016). ციტირების თარიღი: 5 October 2017.
- ↑ Catherine Cortez Masto. Courage Wordwide. დაარქივებულია ორიგინალიდან — 2019-08-19. ციტირების თარიღი: 2016-11-26.