კელიმუტუ

კელიმუტუ
	კოორდინატები: 8°46′12″ ს. გ. 121°49′12″ ა. გ. / 8.77000° ს. გ. 121.82000° ა. გ.
ქვეყანა	ინდონეზია
სიმაღლე	1639 მ
ტიპი	კომპლექსური ვულკანი
ბოლო ამოფრქვევა	1968 წლის ივნისი-ივლისი

კელიმუტუ (ინდონ. Kelimutu) — ვულკანი ინდონეზიის კუნძულ ფლორესზე. სიმაღლე 1639 მ. უკანასკნელი ცნობილი ამოფრქვევა მოხდა 1968 წელს. აქვს სამი ვულკანური კრატერი, რომლებიც ტბებითაა დაკავებული. მათში გახსნილია სხვადასხვა მინერალები, რის გამოც ტბათა შეფერილობა დროთა განმავლობაში იცვლება. ტბები ფრეატული ამოფრქვევების შედეგია. კელიმუტუს სამ ტბას რამდენიმე წლის განმავლობაში აქვს სხვადასხვა შეფერილობა, მათ შორის: შავი, ფირუზისფერი, მოწითალო-მოყავისფრო ან მწვანე.^[1]

2016 წლის იანვრიდან ნოემბრის ჩათვლით ტბათა შეფერილობა 6-ჯერ შეიცვალა.^[2] ვულკანის დასავლეთით მდებარე ტბას ეწოდება ტივუ-ატა-ბუპუ („მოხუცების ტბა“), რომელიც ჩვეულებრივ ლურჯი ფერისაა, ხოლო დანარჩენი ორი ტბა — ტივუ-კო’ო-ფაი-ნუვა-მური („ჭაბუკებისა და გოგონების ტბა“) და ტივუ-ატა-პოლო („მოჯადოებული ტბა“) ერთმანეთისაგან გამოყოფილია საერთო კრატერული კედლით და მათი შეფერილობა შესაბამისად ტიპური მწვანე ან წითელია.^[3]

ფერადი მეტამორფოზები და მთაზე არსებული ხშირი ნისლი ვულკანს ანიჭებს ზებუნებრივ, მისტიკურ მნიშვნელობას. ამდენად, ვულკანის ძირში მდებარე სოფელ მონის მაცხოვრებლებს სჯერათ, რომ გარდაცვლილთა სულები სწორედ ამ ტბებში მიიმართებიან და მათი ფერების ცვალებადობას სულების განრისხებით ხსნიან. სოფელ მონიდან ვულკანზე ასვლა 3 საათშია შესაძლებელი. მწვერვალამდე ასვლა შესაძლებელია აგრეთვე ბემოთი მეტად კლაკნილი გზა-სერპანტინით.^[4]

ვულკანი კელიმუტუ მოქცეულია კელიმუტუს ეროვნული პარკის ტერიტორიაზე. განვითარებულია ტურიზმი.^[5]

გალერეა

ტივუ-ატა-ბუპუ
ტივუ-კო’ო-ფაი-ნუვა-მური
ტივუ-ატა-პოლო მარჯვნივ

რესურსები ინტერნეტში

შეგიძლიათ იხილოთ მედიაფაილები თემაზე „კელიმუტუ“ ვიკისაწყობში.
ვულკანი კელიმუტუ დაარქივებული 2013-10-22 საიტზე Wayback Machine. (ინგლისური)

სქოლიო

↑ Kelimutu Volcano
↑ Kelimutu lakes change color for the 6th time this year
↑ The Crater Lakes of Mount Kelimutu Change Color All The Time. დაარქივებულია ორიგინალიდან — 2019-04-03. ციტირების თარიღი: 2019-08-06.
↑ Келимуту — разноцветные озера острова Флорес. Индонезия
↑ Kelimutu National Park

[1] Kelimutu Volcano

[2] Kelimutu lakes change color for the 6th time this year

[3] The Crater Lakes of Mount Kelimutu Change Color All The Time. დაარქივებულია ორიგინალიდან — 2019-04-03. ციტირების თარიღი: 2019-08-06.

[4] Келимуту — разноцветные озера острова Флорес. Индонезия

[5] Kelimutu National Park

[1]

[2]

[3]

[4]

[5]

კელიმუტუ

კოორდინატები: 8°46′12″ ს. გ. 121°49′12″ ა. გ. / 8.77000° ს. გ. 121.82000° ა. გ. / -8.77000; 121.82000
ქვეყანა	ინდონეზია
სიმაღლე	1639 მ
ტიპი	კომპლექსური ვულკანი
ბოლო ამოფრქვევა	1968 წლის ივნისი-ივლისი