კარლ უვე კნაუსგორი (ნორვ. Karl Ove Knausgård [ˈkɑːɭ ˈùːvə ˈknæ̀ʉsˌɡoːr]; დ. 6 დეკემბერი, 1968) — ნორვეგიელი მწერალი. მთელ მსოფლიოში გახდა ცნობილი მისი 6 ავტობიოგრაფიული რომანით, სახელწოდებით „ჩემი ბრძოლა“ (Min kamp). მოიხსენიებენ როგორც XXI საუკუნის ერთ-ერთ ლიტერატურულ სენსაციას. მას შემდეგ, რაც მან დაასრულა მუშაობა „ჩემს ბრძოლაზე“ 2011 წელს, გამოსცა ავტობიოგრაფიული სერია სახელწოდებით „სეზონების კვარტეტი“ და კრიტიკული ნაშრომი ედვარდ მუნკის შემოქმედების შესახებ.

კარლ უვე კნაუსგორი
Karl Ove Knausgård 2010-09-17.JPG
დაბადების თარიღი Lua-ს შეცდომა in მოდული:Wikidata/date at line 249: attempt to concatenate global 'categoryBiographiesOfLivingPersons' (a nil value).
დაბადების ადგილი ოსლო[4]
საქმიანობა რომანისტი, ავტობიოგრაფი და მწერალი
ენა ნორვეგიული ენა[5]
მოქალაქეობა Flag of Norway.svg ნორვეგია[6]
ალმა-მატერი University of Bergen
ჟანრი მხატვრული ლიტერატურა და მემუარები
Magnum opus My Struggle
ჯილდოები Norwegian Critics Prize for Literature, Brage Award, Bjornson scholarship, Gyldendal prize, Norwegian P2 listener's literature award, Norwegian P2 listener's literature award, Aust-Agder County Culture Award, Rhinos Price, იერუსალიმის პრემია, ავსტრიის სახელმწიფო პრემია ევროპული ლიტერატურისთვის, Swedish Academy Nordic Prize[7] და ავსტრიის სახელმწიფო პრემია ევროპული ლიტერატურისთვის[8]
მეუღლე Linda Boström Knausgård[9]

კნაუსგორი დაიბადა ოსლოში. გაიზარდა არენდალსა და კრისტიანსენდში. სწავლობდა ხელოვნებასა და ლიტერატურას ბერგენის უნივერსიტეტში. ამის შემდეგ მან შეითავსა ბევრი განსხვავებული სამუშაო. იყო მასწავლებელი სკოლაში, ჰყიდდა კასეტებს, მუშაობდა ფსიქიატრიულ საავადმყოფოში და ნავთობის პლატფორმაზე, სადაც სცადა გამხდარიყო მწერალი. შემდგომში გადავიდა სტოკჰოლმში და 1998 წელს გამოსცა პირველი რომანი „სამყაროსდან გასული“, რისთვისაც მან ნორვეგიელ კრიტიკოსთა პრიზი დაიმსახურა. ჯილდოს ისტორიაში პირველად მოხდა ისე, რომ სადებიუტო რომანმა გაიმარჯვა.

მისი მეორე რომანი, „დრო ყველაფრისთვის“ (2004) მოგვითხრობს ბიბლიის გარკვეულ ნაწილებზე და ანგელოზების დედამიწაზე ყოფნის ისტორიას . წიგნმა არაერთი ჯილდო მოიპოვა და იყო ნომინირებული ჩრდილოეთის საბჭოს ლიტერატურულ პრემიაზე. ის ასევე იყო ნომინირებული დუბლინის საერთაშორისო პრემიაზე ლიტერატურის დარგში. ნიუ-იორკში, წიგნის მიმოხილვისას მას „უცნაური, უსწორმასწორო და საოცარი წიგნი“ უწოდეს. „ჩემი ბრძოლის“ 6 წიგნი ქვეყნდებოდა 2009 წლიდან 2011მდე. მისი გვერდების რაოდენობა 3500 აჭარბებს. წიგნებმა მას უზარმაზარი წარმატება მოუტანეს და გამოიწვიეს კამათი. ეს კამათი ნაწილობრივ გამოწვეული იყო იმით, რომ წიგნი ატარებს იმავე სახელს, რასაც ჰიტლერის წიგნი (Mein kampf). გარდა ამისა, წიგნი მოგვითხრობს მწერლის, მისი ოჯახის, მეგობრების პირად ცხოვრებაზე. მიიღო არაერთი დადებითი შეფასება და ლიტერატურული პრემია, რომელთა შორის აღსანიშნავია ბრაგეს (პირველი წიგნისთვის) და გილდენდალის პრემიები. იმ ქვეყანაში, სადაც მოსახლეობის რაოდენობა 5 მილიონია, „ჩემი ბრძოლის“ 450 000 ეგზემპლარია გაყიდული.

„ჩემი ბრძოლის“ სერია ამჟამად იბეჭდება მრავალ ენაზე. მისი პირველი წიგნის თარგმანებს უკვე ხვდა წილად დიდი აღიარება დანიაში, შვედეთსა და სხვა ქვეყნებში. სერიის ექვსივე წიგნი თარგმნილია ინგლისურად დონ ბარლეტის მიერ. ბრიტანეთში გამოქვეყნებული წიგნების სათაურში ვხვდებით „სიკვდილს ოჯახში“, „შეყვარებულ კაცს“, „ბიჭობის კუნძულს“, „სიბნელეში ცეკვას“, „უნდა იწვიმოსს“ და „დასასრულს“.კნაუსგორი ცხოვრობდა ოსტერლენში, შვედეთში, მის ცოლთან, მწერალ ლინდა კნაუსგორთან და მათ 4 შვილთან ერთად მანამ, სანამ ისინი ერთმანეთს არ დაშორდნენ 2016 წელს. ის ახლა ცხოვრობს ხან სამხრეთ ლონდონში, ხან შვედეთში.

ჯილდოები და ნომინაციებირედაქტირება

ნომინაციებირედაქტირება

  • ნომინაცია ჩრდილოეთის საბჭოს ლიტერატურულ პრემიაზე (2004)

ჯილდოებირედაქტირება

  • ნორვეგიელ კრიტიკოსთა პრემია ლიტერატურაში (1998)
  • ბრაგის პრემია (2009)
  • NRK P2-ის მსმენელთა პრემია (2009)
  • წლის წიგნის პრემია Morgenbladet-ში (2010)
  • Welt-Literaturpreis (ლიტერატურის სამყარო) (2015)[10]
  • იერუსალიმის პრემია (2017)[11]
  • შვედეთის აკადემიის ჩრდილოური პრემია (2019)[12]

რესურსები ინტერნეტშირედაქტირება

მიმოხილვებირედაქტირება

სქოლიორედაქტირება

  1. Encyclopædia Britannica
  2. Munzinger-Archiv — 1913.
  3. ბროკჰაუზის ენციკლოპედია
  4. გერმანიის ეროვნული ბიბლიოთეკა, ბერლინის სახელმწიფო ბიბლიოთეკა, ბავარიის სახელმწიფო ბიბლიოთეკა და სხვ. Record #133516512 // ინტეგრირებული ნორმატიული ფაილი — 2012—2016.
  5. Bibliothèque nationale de France BnF authorities: პლატფორმა ღია მონაცემები — 2011.
  6. LIBRIS — 2018.
  7. https://www.aftenposten.no/kultur/i/1kLknW/Knausgard-far-Svenska-Akademiens-nordiske-pris
  8. https://www.kunstkultur.bka.gv.at/staatspreis-fur-europaische-literatur
  9. http://www.vg.no/rampelys/bok/karl-ove-knausgaard/knausgaard-skilles/a/23856237/
  10. "Welt"-Literaturpreis 2015 an Karl Ove Knausgård German. Die Welt (18 September 2015). ციტირების თარიღი: 24 September 2015.
  11. Izikovich, Gili. (28 May 2017) Karl Ove Knausgaard Named 2017 Laureate for Jerusalem Prize in Literature. ციტირების თარიღი: 18 October 2019
  12. Svenska Akademiens nordiska pris 2019 Swedish. Swedish Academy (20 February 2019). ციტირების თარიღი: 4 April 2019.