ისრაელ ადესანია
ისრაელ ადესანია (დ. 22 ივლისი, 1989) — ახალზელანდიელი შერეული საბრძოლო ხელოვნების (MMA) მებრძოლი, კიკბოქსერი, ყოფილი მოკრივე.
| ისრაელ ადესანია | |
|---|---|
 | |
| მშობლიური სახელი | Israel Mobolaji Temitayo Odunayo Oluwafemi Owolabi Adesanya |
| დაბადების თარიღი |
22 ივლისი, 1989 ლაგოსი, ნიგერია |
| სხვა სახელები | Stylebender |
| მოქალაქეობა | ახალი ზელანდია |
| საქმიანობა | შერეული საბრძოლო ხელოვნების (MMA) მებრძოლი |
| ორგანიზაცია | UFC |
| სიმაღლე | 1,93 მ |
| წონა | 84 კგ |
| მშობლები |
მამა: ოლუვაფამი ადესანია დედა: ტაივო ადესანია |
ბიოგრაფია
რედაქტირებადაბადებულია 22 ივლისს, 1989 წელს ქალაქ ლაგოსში, ნიგერია. მისი მამა ოლუვაფამი ბუღალტერი, ხოლო დედა ტაივო, ექთანია. ადესანია კრისლენდის სკოლაში სწავლობდა, როდესაც იგი ტაეკვანდოს ჯგუფში გაწევრიანდა და ვარჯიშობდა მანამდე, სანამ დედამ ტრამვის გამო არ გამოიყვანა. 1999 წელს იგი განაში გადავიდა 10 თვით მშობლებთან ერთად. იმის გამო, რომ მათ მშობლებს ბავშვებისთვის კარგი განათლების მიცემა სურდათ. ის როტურუაში დასახლდა, ახალ ზელანდიაში.10 წლის ადესანია, როტურუას ვაჟთა საშუალო სკოლაში ჩაირიცხა. ადესანია სკოლის პერიოდში არ ინტერესდებოდა სპორტით, მაგრამ მისი ინტერესი ამ დროს იაპონური ანიმეების მიმართ იყო მიპყრობილი, როგორიცაა Death note და Naruto. 18 წლის ასაკში, როდესაც მან ნახა ფილმი Muay Thai-ზე სახელად Ong-Bak, დაინტერესდა კიკბოქსინგით და დაიწყო ვარჯიში.
კიკბოქსინგის კარიერა
რედაქტირება2010 წლის მაისში ,ადესანიამ მოიგო პირველი ბრძოლა დაამარცხა ტიმ ანტონიო ერთსულოვანი გადაწყვეტილებით. მან მოიგო თავისი შემდეგი 6 ბრძოლაც. მისმა ამ გამარჯვებების სერიამ მოიპოვა ადგილი 2014 წლის Kunlun Fight 80 კგ ტურნირზე, რომელიც გაიმართა Kunlun Fight 2-ის დროს. მან წააგო ნახევარფინალი საიმონ მარკუსთან მსაჯების გაყოფილი გადაწყვეტილებით. ადესანიამ ამის შემდეგ მიიღო მონაწილეობა ახალ ზელანდიაში King in the Ring Cruiserweights მეორე ტურნირში. იგი ფინალში გავიდა ,სადაც ჯეიმს ადესი შეხვდა, რომელსაც ნოკაუტით მოუგო. ზედა წონაში ასვლის შემდგომ ადესანიამ მიიღო მონაწილეობა 2015 წლის The Heavyweights III-შიც. ნახევარფინალში მან დენ რობერტს ნოკაუტით მოუგო, ხოლო ფინალში ისევ ჯეიმ ადესს დაუპირისპირდა და ამჯერად ის მსაჯების გადაწყვეტილებით დაამარცხა.
შერეული საბრძოლო ხელოვნების კარიერა
რედაქტირება2019 წლის, 13 აპრილს ადესანია დაუპირისპირდა კელვინ გასტელუმს, UFC 236-ზე, საშუალოწონის ჩემპიონატზე, რაც ადესანიას მოგებით დასრულდა. ეს ჩხუბი განიხილებოდა როგორც წლის საუკეთესო ბრძოლა, რომელმაც მიიღო ნომინაცია MMA საინფორმაციო საშუალებების უმეტესი ნაწილიდან. 2019 წლის 6 ოქტომბერს ადესანია რობერტ ვიტეკერს დაუპირისპირდა UFC 243-ზე საშუალოწონის ჩემპიონატზე. ეს ბრძოლაც ადესანიას გამარჯვებით დასრულდა, მან მეტოქე მეორე რაუნდში დაანოკაუტა და იგი UFC ჩემპიონი გახდა. ადესანიამ მას შემდეგ მრავალი ბრძოლა მოიგო, ხოლო მისი შეჩერება ამ პერიოდში მხოლოდ იან ბლაჰოვიჩმა შეძლო UFC 259-ზე, როდესაც ადესანია ერთი წონით ზედა საფეხურზე ავიდა. მან მსაჯების ერთსულოვანი გადაწყვეტილებით წააგო. ის დღემდე UFC მებძოლია და მისი სტატისტიკა ესე გამოიყურება: 24-3-0.