ისმაილ ქაჰრამანი
ისმაილ ქაჰრამანი (თურქ. İsmail Kahraman; დ. 7 დეკემბერი 1940, რიზე, თურქეთი) — თურქი იურისტი და პოლიტიკოსი. თურქეთის პარლამენტის 27-ე თავმჯდომარე. 2015 წლის ნოემბერის არჩევნებში, აირჩიეს პარლამენტის წევრად სტამბოლის პირველი საარჩევნო ოლქიდან. მანამდე 1995-2002 წლებში იყო პარლამენტის, ხოლო 1996-1997 წლებში, ერბაქანის კაბინეთში კულტურის მინისტრის პოსტს იკავებდა.
| ისმაილ ქაჰრამანი İsmail Kahraman | |
 | |
.svg){kind=small} თურქეთის პარლამენტის 27-ე თავმჯდომარე | |
|---|---|
| თანამდებობაზე ყოფნის დრო | |
| 22 ნოემბერი, 2015 – 7 ივლისი, 2018 | |
| პრეზიდენტი | რეჯეფ თაიფ ერდოღანი |
| პრემიერ-მინისტრი | აჰმეთ დავუთოღლუ ბინალი ილდირიმი |
| წინამორბედი | ისმეთ ილმაზი |
| მემკვიდრე | ბინალი ილდირიმი |
| თანამდებობაზე ყოფნის დრო | |
| 28 ივნისი 1996 – 30 ივნისი 1997 | |
| პრეზიდენტი | სულეიმან დემირელი |
| პრემიერ-მინისტრი | ნეჯმეთინ ერბაქანი |
| წინამორბედი | აგაი ოქტაი გიუნერი |
| მემკვიდრე | მუსტაფა ისტემიჰან თალაი |
| დაბადებული | 7 დეკემბერი, 1940 რიზე, თურქეთი |
| საარჩევნი ოლქი | 1995 - სტამბოლი 1999 - სტამბოლი 2015 - სტამბოლი |
| მოქალაქეობა |  თურქეთი |
| პოლიტიკური პარტია | სგპ (2001-დან) |
| განათლება | სტამბოლის უნივერსიტეტი |
| პროფესია | იურისტი, პოლიტიკოსი |
| რელიგია | სუნიტური ისლამი |
ბიოგრაფია
რედაქტირებაისმაჰილ ქაჰრამანი 1940 წლის 7 დეკემბერს, ქალაქ რიზეში დაიბადა. დაწყებითი და საშუალო განათლება ყარაბუქში დაასრულა. ჰაიდარფაშას ლიცეუმის დასრულების შემდეგ, სტამბოლის უნივერსიტეტის იურიდიული ფაკულტეტი დაამთავრა. უნივერსიტეტში სწავლის დროს, სტუდენტთა გაერთიანების წევრი, ხოლო შემდეგ თავმჯდომარე იყო.
1985 წლის 29 მაისს, „ერთობის ფონდის“ სამეურვეო საბჭოს თავმჯდომარე გახდა. 1994 წლის 21 დეკემბერს, გახდა „თურქეთის მოხალისეთა ფონდის“ დამაარსებელი წევრი. იყო სტამბოლის ვაჭრობის უნივერსიტეტის სამეურვეო საბჭოს წევრი. მუშაობდა სამრეწველო და სავაჭრო კომპანიებში. 2001 წელს, რეჯეფ თაიფ ერდოღანთან ერთად, სგპ-ს დამფუძნებელი წევრი გახდა.[1]
ქაჰრამანი დაოჯახებული და 4 შვილი ჰყავს. ფლობს ინგლისურ ენას.[2]
პოლიტიკური კარიერა
რედაქტირებაკულტურის მინისტრი
რედაქტირებაისმაილ ქაჰრამანი, 1995 წლის საპარლამენტო არჩევნებზე, „კეთილდღეობის პარტიის“ წევრად შევიდა პარლამენტში, სტამბოლის პირველი საარჩევნო ოლქიდან. 1996 წლის 28 ივნისს, „კეთილდღეობის პარტიისა“ და „მართალი გზის პარტიის“ კოალიციურ მთავრობაში, კულტურის მინისტრის პოსტი ჩაიბარა. 1997 წლის სამხედრო გადატრიალების შედეგად, დატოვა მინისტრის თანამდებობა. 1999 წლის საპარლამენტო არჩევნებში, თავიდან გახდა პარლამენტარი. 2002 წელს დატოვა აქტიური პოლიტიკა და 2015 წლის არჩევნებზე, დაბრუნდა პოლიტიკასა და პარლამენტში.[3]
პარლამენტის თავმჯდომარე
რედაქტირება2015 წლის 1 ნოემბრის საპარლამენტო არჩევნებზე,[4] სგპ-დან სტამბოლის პირველი საარჩევნო ოლქში გამარჯვების შემდეგ,[5] 2015 წლის 22 ნოემბერს პარლამენტართა 316 ხმით, პარლამენტის თავმჯდომარედ აირჩიეს.[6]
პოლიტიკური ხედვა
რედაქტირებაპარლამენტის თავმჯდომარის პოსტზე, საკონსტიტუციო ცვლილებებზე საუბრისას, ქაჰრამანმა განაცხადა, რომ „ახალი კონსტიტუცია სეკულარული არ უნდა იყოს, არამედ უნდა რელიგიური იყოს“. მისი ეს განცხადება ბევრმა გააკრიტიკა.[7][8]
2016 წლის 28 აგვისტოს, ქაჰრამანმა თავის გამოსვლაში განაცხადა, რომ არგენტინელი მარქსისტი რევოლუციონერი ჩე გევარა, მკვლელად და ბანდიტად შერაცხა.[9][10][11] საპასუხოდ, კუბის საელჩომ გამოთქვა შეშფოთება და სინანული სიტყვების გამო.[12]
სქოლიო
რედაქტირება- ↑ İsmail Kahraman kimdir ensonhaber.com
- ↑ İsmail Kahraman biyografisi TBMM Resmi sitesi (Türkiye Büyük Millet Meclisi)
- ↑ İsmail Kahraman biyografisi haberler.com
- ↑ İstanbul seçim sonuçları 1 Kasım 2015 hurriyet.com.tr
- ↑ AK Parti'nin adayı İsmail Kahraman sabah.com.tr
- ↑ İsmail Kahraman meclis başkanı oldu milliyet.com.tr
- ↑ http://www.haberturk.com/gundem/haber/1230895-tbmm-baskani-kahramanin-laiklik-sozleri-tartisiliyor
- ↑ https://www.youtube.com/watch?v=bjGKQXs_35c
- ↑ http://www.ensonhaber.com/ismail-kahramanin-che-guevaraya-yonelik-sozleri-2016-08-29.html
- ↑ http://www.hurriyet.com.tr/tbmm-baskan-kahraman-che-denen-eskiya-benim-gencimin-yakasinda-gogsunde-olamaz-40210483
- ↑ http://odatv.com/cheye-eskiya-diyen-ismail-kahraman-kendi-gecmisini-hatirliyor-mu-2908161200.html
- ↑ http://www.cumhuriyet.com.tr/haber/turkiye/592625/Kuba_dan_Che_ye__eskiya__diyen_TBMM_Baskani_ismail_Kahraman_a_sert_yanit.html