თეიმურაზ ტყეშელაშვილი
თეიმურაზ ტყეშელაშვილი (დ. 3 აგვისტო, 1923, ქუთაისი) — ქართველი ექიმი, მეცნიერი.
| თეიმურაზ ტყეშელაშვილი | |
|---|---|
| დაბ. თარიღი | 3 აგვისტო, 1923 (101 წლის) |
| დაბ. ადგილი | ქუთაისი |
| მოქალაქეობა |
 სსრკ საქართველო |
| საქმიანობა | ექიმი და მეცნიერი |
ბიოგრაფია
რედაქტირება1946 წელს დაამთავრა თბილისის სახელმწიფო სამედიცინო ინსტიტუტის პედიატრიული ფაკულტეტი.
1947–1950 წლებში იყო თბილისის სახელმწიფო სამედიცინო ინსტიტუტის სანიტარული და პედიატრიული ფაკულტეტების საფაკულტეტო ქირურგიის კათედრის ლაბორანტი. 1951-1954 წლებში საქართველოს მეცნიერებათა აკადემიის ექსპერტი და კლინიკური ქირურგიის ასპირანტი. 1955 წლიდან ჰემატოლოგიისა და ტრანსფუზიოლოგიის ინსტიტუტის თანამშრომელი. ავტორია 159 სამეცნიერო ნაშრომის. მისი ხელმძღვანელობით დაცულია 6 საკანდიდატო დისერტაცია. არის ტრანსფუზიოლოგი, მედიცინის მეცნიერებათა დოქტორი, მთავარი მეცნიერ–თანამშრომელი, პროფესორი.
საკანდიდატო დისერტაციის თემა — „წვრილი ნაწლავის მოტორული ფუნქციის ზოგიერთი საკითხი მის ვრცელ რეზექციასთან დაკავშირებით“, დაიცვა 1954 წელს.
სადოქტორო დისერტაციის თემა — „ახალი სისხლშემცველი — „ჟელატინინი“ („ჟელატინინის“ მომზადების მეთოდით დამუშავება და მისი ექსპერიმენტული შესწავლა“), დაიცვა 1969 წელს.
ჯილდოები
რედაქტირება- 1985 — საქართველოს მეცნიერებათა დამსახურებული მოღვაწე
ბიბლიოგრაფია
რედაქტირება- სისხლშემცვლელები, სისხლის კომპონენტები და პრეპარატები, თბილისი, განათლება, 1976, გვ. 210
- სისხლშემცვლელები : თვისებები და გამოყენების ტექნიკა, თბილისი, საბჭ. საქართველო, 1963, გვ. 57
- წვრილი ნაწლავის მოტორული ფუნქცია, თბილისი, საბჭ. საქართველო, 1961, გვ. 51
ლიტერატურა
რედაქტირება- ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია, თბ., 2000, გვ. 266