თარხუნთი

თარხუნთი, მძლეველი გმირი — ამინდის ღვთაება ლუვიურსა და გვიანდელ ხეთურ სამყაროში (სამხრეთ მცირე აზიასა და ჩრდილოეთ სირიაში ძვ.წ. II-I - სს). დაკავშირებული იყო სიუხვის მომტან წყლებთან და ქვეყნის ნაყოფიერებასთან. ძირითადი ატრიბუტია — ყურძნის მტევანი და თავთავების კონა. მისი შესატყვისი იყო შუმერული იშქური, სემიტური ადადი, ხურიული თეშუბი. თარხუნთს გენეტიკურად უკავშირდებიან ღვთაებები — კილიკიური ტროკო, ლიკიური trqq, ძველსომხური „ტორქ“ და ეტრუსკული ტარქონი. ძვ.წ. II-I ათასწლეულში მცირე აზიაში „თარხუნთ-თარხუ“ კომპონენტისგან ნაწარმოები იყო მრავალი თეოფორული საკუთარი სახელი (თარხუნთასა, თარხულარა, თარხუნთაცითი და სხვა.)

ხეთური ამინდის ღმერთი, მეხით და ნაჯახით ხელში

იხილეთ აგრეთვე

• პერუნი
• ინდრა
• ტარქონი
• თორი

ლიტერატურა

• ქართული საბჭოთა ენციკლოპედია, ტ. 4, გვ. 590, თბ., 1979
• Gurney O. R. The Hitties. 2 ed., 1961
• Meriggi p., Hieroglyphisch-hethitisches Glossar, Wiesbaden, 1962