თამარ ბერაია

თამარ ბერაია
თამარ ბერაია
დაბადების თარიღი	1987; თბილისი
საქმიანობა	მუსიკოსი

თამარ ბერაია (დ. 1987, თბილისი) — კლასიკური მუსიკის ქართველი პიანისტი.

ბიოგრაფია

თამარ ბერაია მუსიკოსების ოჯახში დაიბადა და ფორტეპიანოს სწავლა ხუთი წლის ასაკში დედის ხელმძღვანელობით დაიწყო. მისი მუსიკალური განათლება გაგრძელდა ზაქარია ფალიაშვილის სახელობის „ნიჭიერთა ათწლედში,“ ხოლო შემდეგ — ვანო სარაჯიშვილის სახელობის თბილისის სახელმწიფო კონსერვატორიაში.^[1]

მაგისტრის ხარისხი მიიღო ლუცერნის გამოყენებით მეცნიერებათა და ხელოვნების უნივერსიტეტში, სადაც მისი ხელმძღვანელი ჩეხი პიანისტი ივან კლანსკი იყო.

ბერაიამ 1997 წელს ვილნიუსში, ახალგაზრდა პიანისტთა და მევიოლონეთა საერთაშორისო კონკურსზე^[2], პირველი ადგილი დაიკავა. 2005 წელს ასევე პირველიადგილი მოიპოვა თბილისის საერთაშორისო კონკურსზე.^[3]

2001 წელს ფრანგმა პიანისტმა, კომპოზიტორმა და პედაგოგმა მიშელ სონიმ ბერაია ავსტრიაში, „ვილა-შინდლერში“, მატერკლასებზე მიიწვია.^[4]

იგი ხშირად მონაწილეობას იღებდა მიშელ სონის ფონდ SOS Talents Foundation-ის მიერ ორგანიზებულ მასტერკლასებში ავსტრიასა და [შვეიცარია]]ში ხატია ბუნიათიშვილთან, იანა ვასილიევასთან და სხვა ახალგაზრდა პიანისტებთან ერთად.

მაესტრო სონისთან მუშაობის პერიოდს ბერაია ასე იხსენებს:

„მიშელ სონისთან სწავლა ჩემთვის ყოველთვის შთამაგონებელი იყო. პიანისტი, კომპოზიტორი, მწერალი, ფილოსოფოსი და პედაგოგი — იგი უნიკალური პიროვნებაა. მისი მეთოდი განსაკუთრებულია და პიანისტებს ეხმარება ინსტრუმენტის დაუფლებაში და ასევე მუსიკალური ფრაზირების სენსიტიურ აღქმაში“

^[5]

თამარ ბერაია მსოფლიოს მრავალი ქვეყნის სცენაზე წარმატებით გამოდის. 2018 წელს ჩაწერა ბეთჰოვენისა და ლისტის ნაწარმოებებისადმი მიძღვნილი კომპაქტ-დისკი,^[6] რომელიც მისი შემოქმედებითი განვითარების ერთ-ერთი მნიშვნელოვანი ეტაპია.

2024 წლის 22 ნოემბერს Odradek Records-მა SOS Talents Foundation-Michel Sogny-ს ხელშეწყობით გამოსცა მისი ახალი კომპაქტ-დისკი მიშელ სონის მუსიკალური ნაწარმოებებით.^[7]^[8]

რესურსები ინტერნეტში

თამარ ბერაია — საქართველოს ბიოგრაფიული ლექსიკონი

სქოლიო

[1] ბიოგრაფია^{[მკვდარი ბმული]}

[2] International Balys Dvarionas Competition for Young Pianists and Violinists

[3] Tbilisi International Piano Competition

[4] RÉCITAL DE PIANO - Découverte en France d’une jeune pianiste géorgienne.

[5] Tamar Beraia - Michel Sogny Piano Works

[6] Tamar Beraia Beethoven et Liszt

[7] Tamar Beraia  - Michel Sogny Piano Works

[8] Michel Sogny: Piano Works – Tamar Beraia

[1]

[2]

[3]

[4]

[5]

[6]

[7]

[8]

თამარ ბერაია
დაბადების თარიღი	1987 თბილისი
საქმიანობა	მუსიკოსი