თამაზ ამბროლაძე
თამაზ ამბროლაძე (დ. 23 დეკემბერი, 1936, ქუთაისი — გ. 2017) — ქართველი გეოლოგი, ინჟინერი, მეცნიერი, პედაგოგი.
ბიოლოგია
რედაქტირება1960 წელს დაამთავრა საქართველოს პოლიტექნიკური ინსტიტუტის გეოლოგიის ფაკულტეტი, ჰიდროგეოლოგიის სპეციალობით.
1960 წელს მუშაობა დაიწყო სახელმწიფო საპროექტო ინსტიტუტ „საქგიპროშახტში“ ინჟინრად, სადაც მუშაობდა 1962 წლამდე. 1962-1968 წლებში მუშაობდა საქართველოს პოლიტექნიკურ ინსტიტუტში, ჰიდრავლიკისა და ჰიდრონაგებობების კათედრაზე. 1962-1965 წლებში იყო კათედრის ასპირანტი, შემდეგ ლაბორანტი და ასისტენტი. 1968-2006 წლებში ეწეოდა პედაგოგიურ მოღვაწეობას საქართველოს პოლიტექნიკური ინსტიტუტის ჰიდრავლიკის კათედრაზე, პედაგოგ-დოცენტის სტატუსით. 1970-1973 წლებში იყო საქართველოს პოლიტექნიკური ინსტიტუტის ჰიდროტექნიკისა და სანტექნიკის ფაკულტეტის სამეცნიერო საბჭოს სწავლული მდივანი. 1973-1976 წლებში მუშაობდა ჰიდროტექნიკისა და სანტექნიკის ფაკულტეტის დეკანის მოადგილედ. 1976-1985 წლებში იყო საქართველოს პოლიტექნიკური ინსტიტუტის ჰიდროტექნიკისა და სანტექნიკის ფაკულტეტის დეკანი. 2006-2017 წლებში არჩეული იყო საქართველოს ტექნიკური უნივერსიტეტის ჰიდროინჟინერიის დეპარტამენტის ასოცირებულ პროფესორად და ეწეოდა პედაგოგიურ მოღვაწეობას, ჰიდრავლიკისა და საინჟინრო ეკოლოგიის მიმართულებით. ავტორია 50-ზე მეტი სამეცნიერო ნაშრომის, 2 სახელმძღვანელოს, დამხმარე სახელმძღვანელოსა და სასწავლო-მეთოდური ლიტერატურის. იყო საერთაშორისო კონგრესის სარედაქციო კოლეგიის წევრი (2009). მრავალწლიანი სამეცნიერო-პედაგოგიური მოღვაწეობისათვის მიღებული ჰქონდა საუწყებო ჯილდოები და საპატიო სიგელები.
ბიბლიოგრაფია
რედაქტირება- ჰიდრავლიკა, ჰიდროლოგია, ჰიდრომეტრია: სახელმძღვანელო, თბილისი, ტექნ. უნ-ტი, 2013, გვ. 462 ISBN 9789941203800
- წყლის მეურნეობა : დამხმარე სახელმძღვანელო, თბილისი, ტექნ. უნ-ტი, 2009, გვ. 392 ISBN 9789941145902
- ლაბორატორიული პრაქტიკუმი ჰიდრავლიკაში, თბილისი, 1978, გვ. 120
- ლაბორატორიული პრაქტიკუმი ჰიდრავლიკაში, თბილისი, საქართველოს პოლიტექნ. ინ-ტი, 1974, გვ. 134
ლიტერატურა
რედაქტირება- წყარო: საქართველოს არქიტექტორთა და მშენებელთა ენციკლოპედია, წიგნი 2, თბ., 2021, გვ. 45