ზურაბ ზვიადაური

ზურაბ ზვიადაური (დ. 2 ივლისი, 1981, ახმეტა) — ქართველი ძიუდოისტი, ოლიმპიური ჩემპიონი.

ზურაბ ზვიადაური

პირადი ინფორმაცია
ეროვნება	ქართველი
დაბ. თარიღი	2 ივლისი, 1981 (1981-07-02)
დაბ. ადგილი	ახმეტა
სიმაღლე	182 სმ
წონა	90 კგ
სპორტი
ქვეყანა	საქართველო
სპორტი	ძიუდო
მედლები ოლიმპიური თამაშები ოქრო ათენი 2004 90 კგ. მსოფლიო ჩემპიონატი ვერცხლი მიუნხენი 2001 90 კგ. ვერცხლი ოსაკა 2003 90 კგ. ევროპის ჩემპიონატი ბრინჯაო მარიბორი 2002 90 კგ.

სპორტული კარიერა

2005 წელს დაამთავრა საქართველოს სახელმწიფო ფიზიკური აღზრდისა და სპორტის აკადემია ძიუდოს მწვრთნელის კვალიფიკაციით. 1998 წელს ზურაბ ზვიადაური მსოფლიოს ჭაბუკთა თამაშების მეორე პრიზიორი გახდა, ხოლო 2000 წელს — მსოფლიოს ჩემპიონი ახალგაზრდებს შორის. ზვიადაურმა ორჯერ მოიპოვა ვერცხლის მედალი მსოფლიოს 2001 და 2003 წლების ჩემპიონატებზე, ხოლო ევროპის 2002 წლის ჩემპიონატზე ბრინჯაოს მედალი აიღო. ზვიადაურმა 2004 წლის ათენის ოლიმპიურ თამაშებში ოქროს მედალი მოიპოვა 90 კგ წონით კატეგორიაში და პირველი ოლიმპიური ჩემპიონი გახდა დამოუკიდებელი საქართველოს ისტორიაში.

მოგვიანებით ზვიადაური ასპარეზობდა შერეული საბრძოლო ხელოვნების შეჯიბრებებში.

არის სპორტის რაინდი (სპორტისა და ახალგაზრდობის საქმეთა სამინისტრო) - 2004, ბრწყინვალების საპრეზიდენტო ორდენის (2018) და ღირსების ორდენი კავალერი.

ძირიათადი შედეგები

წელი	ტურნირი	მასპინძელი	წონითი კატეგორია	ადგილი
2001	მსოფლიო ჩემპიონატი	მიუნხენი, გერმანია	-90 კგ	02 
2002	ევროპის ჩემპიონატი	მარიბორი, სლოვენია	-90 კგ	03 
2002	ევროპის ჩემპიონატი	მარიბორი, სლოვენია	-90 კგ	01 
2002	მსოფლიოს გუნდური ჩემპიონატი	ბაზელი, შვეიცარია	-90 კგ	02 
2003	ევროპის გუნდური ჩემპიონატი	ლონდონი, დიდი ბრიტანეთი	-90 კგ	01 
2003	მსოფლიო ჩემპიონატი	ოსაკა, იაპონია	-90 კგ	02 
2004	ზაფხულის XXVIII ოლიმპიური თამაშები	ათენი, საბერძნეთი	-90 კგ	01 
2006	ევროპის გუნდური ჩემპიონატი	ბელგრადი, სერბეთი და ჩერნოგორია	-90 კგ	03 
2012	ევროპის ჩემპიონატი	ჩელიაბინსკი, რუსეთი	-90 კგ	01 

პოლიტიკა

2012-2016 წლებში იყო საქართველოს მე-8 მოწვევის პარლამენტის წევრი (ახმეტის მაჟორიტარი), საარჩევნო ბლოკი: „ბიძინა ივანიშვილი — ქართული ოცნება“.

პირადი ცხოვრება

ზურაბ ზვიადაური არის საბერძნეთის სახელით მოასპარეზე ქართველი ძიუდოისტის, ჯარჯი ზვიადაურის ბიძაშვილი.

ჯილდოები, პრემიები და პრიზები

• ღირსების ორდენი
• 2004: სპორტის რაინდის წოდება
• 2018: ბრწყინვალების საპრეზიდენტო ორდენი

რესურსები ინტერნეტში

• ზურაბ ზვიადაური — საქართველოს ბიოგრაფიული ლექსიკონი
• ზურაბ ზვიადაური — ქართული სპორტი
• ზურაბ ზვიადაური — საქართველოს პარლამენტის ოფიციალური საიტი (მოძველებული / არქივი / ახალი არქივი)
• ზურაბ ზვიადაური. საქართველოს ეროვნული ოლიმპიური კომიტეტი.
• ზვიადაურის კარიერის სტატისტიკა დაარქივებული 2020-04-18 საიტზე Wayback Machine. .
• ოფიციალური საიტი facebook-ზე.