World Vision International

World Vision International — არასამთავრობო ინტერნაციონალური ქრისტიანული შემწეობისა და განვითარების ორგანიზაცია, რომელიც დაარსდა 1950 წელს ამერიკის შეერთებულ შტატებში. მისი დამაარსებელია ბობ პიერსი. ორგანიზაციის მთავარ მიზანს წარმოადგენს: „ყოველი ადამიანის კეთილდღეობა. განსაკუთრებით ბავშვების“. World Vision ეწევა საქმიანობას დედამიწის ექვსი კონტინენტის 97 ქვეყანაში. World Vision წარმოადგენს ერთ-ერთ უდიდეს ინტერნაციონალურ ქრისტიანული შემწეობის ორგანიზაციას მთელ მსოფლიოში, რომლის წლიურმა ბიუჯეტმა 2011 წელს 2.7 მილიარდ დოლარს მიაღწია.

World Vision International
დევიზი	„ყოველი ადამიანის კეთილდღეობა, განსაკუთრებით ბავშვების“
შეიქმნა	1950
ტიპი	არაკომერციული ქრისტიანული ორგანიზაცია
მდებარეობა	მონროვია, კალიფორნია, აშშ
ემსახურება რეგიონს	97 ქვეყანა
წევრები	44,500 (2011)
მნიშვნელოვანი პირები	კევინ ჯენკინზი. ჯოზეფ სტიგლერი
დამფუძნებელი (-ები)	Robert Pierce
ბიუჯეტი	2.79 მილიარდი აშშ დოლარი (2011)
ქვეყანა	აშშ
ტელეფონი	+44-2077582900 და +1-626-303-8811
თავმჯდომარე	Richard C. Halverson
აფილაცია	World Vision Austria , World Vision Australia, World Vision Ghana, World Vision Taiwan, World Vision Deutschland, World Vision UK, World Vision India, World Vision Appalachia და World Vision Canada
wvi.org

World Vision საქართველოში

საქართველოში მოღვაწეობის 15 წლის მანძილზე World Vision-მა მნიშვნელოვანი წვლილი შეიტანა ჰუმანიტარული და განვითარებაზე მიმართული მრავალი ინიციატივის განხორციელებაში, როგორც უშუალოდ, ისევე ადგილობრივი პარტნიორების დახმარებით. საერთო ჯამში განხორციელებული და მიმდინარე პროექტების რაოდენობა 27-ს შეადგენს. World Vision-ის პროექტების ამოსავალი წერტილია ბავშვები, ახალგაზრდები და სიღარიბის შემცირება. გასულ წელს World Vision-ის ბენეფიციართა რიცხვმა 200,000 კაცი შეადგინა. World Vision-ს აქვს რეგიონული ოფისები ქუთაისში, ბათუმში, თელავში, ახალციხეში, ბორჯომში, ნინოწმინდაში, მარნეულში, გორში.

World Vision თავის საქმიანობას ოთხი ძირითადი პროგრამით ახორციელებს:

• ბავშვები განსაკუთრებით რთულ გარემოებებში (CEDC);
• კვების უსაფრთხოება და თემის განვითარება;
• ადამიანის უფლებები და მშვიდობის შენარჩუნება;
• მიკროსაწარმოების განვითარება.

მიკროსაწარმოების განვითარების პროგრამა დღესდღეობით ერთ-ერთი ლიდერია საქართველოს მიკროსაფინანსო სექტორში, „საკვები სამუშაოსთვის“ და თემის განვითარების პროგრამებმა World Vision თემის განვითარებაზე მომუშავე ერთ-ერთ წამყვან და ყველაზე გამოცდილ ორგანიზაციად გადააქცია.

პროგრამა „ბავშვები განსაკუთრებით რთულ გარემოებებში“ (CEDC) ძირითადად დეინსტიტუციონალიზაციაზე არის ფოკუსირებული, როგორც ბავშვთა კეთილდღეობის სისტემის ქვაკუთხედზე. აღნიშნული პროგრამის ჩარჩოში ხორციელდება პროექტები:

ვსწავლობთ ცხოვრებას (Learners for Life), რომელიც ქუთაისში, ბათუმსა და თელავში 2004 წლიდან ხორციელდება. გარდა ბავშვთა სახლების დეინსტიტუციონალიზაციისა და ამ მიზნით საქართველოში პირველი მცირე საოჯახო ტიპის სახლების დაარსებისა, პროექტის მიზანია 14-დან 20 წლამდე სოციალურად დაუცველი ახალგაზრდების ეკონომიკური პერსპექტივების გაუმჯობესება საზოგადოებრივი ახალგაზრდული ცენტრების მეშვეობით, რომლებიც უზრუნველყოფენ ახალგაზრდებს პროფესიული სწავლებით, სტაჟირებით, დასაქმებით, კულტურული, სპორტული პროგრამებით და სხვა სერვისებით.

ჩვილ ბავშვთა მიტოვების პრევენცია და დეინსტიტუციონალიზაცია (PIAD), მიმდინარეობს 2002 წლიდან და მიზნად ისახავს ინსტიტუციონალურ დაწესებულებებში ჩვილი ბავშვების შემავალი ნაკადის შეჩერებას. (2003 წლის აპრილიდან პროექტის ჩარჩოში 114 ბავშვი ასცდა ბავშვთა სახლში მოხვედრას, 18-მა ახალგაზრდა ქალმა დაიწყო საკუთარი საქმე). ორგანიზაციის საქმიანობაში ასევე შედის უნარშეზღუდული ბავშვების საზოგადოებაში ინტეგრაცია.

SAFE!Guard Your Health (SAFE!), რომელიც მიზნად ისახავს ფართო საზოგადოების ინფორმირებულობის დონის ამაღლებას ისეთ საკითხებში, როგორიცაა აივ ინფექცია და შეძენილი იმუნოდეფიციტის სინდრომი, ასევე სქესობრივი გზით გადამდები ინფექციები.

ლიტერატურა

• The Colossus of Care: World Vision has become an international force—and a partner with the poor, Tim Stafford, Christianity Today, March 2005
• Imperfect Instrument: World Vision's founder led a tragic and inspiring life, Tim Stafford, Christianity Today, March 2005
• Our Story – Point Hope, Inc. დაარქივებული 2012-01-20 საიტზე Wayback Machine. Delilah Rene recounts working with World Vision, 2005
• Greene, Elizabeth, "Connecting with Generation Y," Chronicle of Philanthropy, July 24, 2003.
• Holt, Shirleen, "Partners Find Real Ambitions Are to Do Good," Seattle Times, August 16, 2005.
• Johnson, Larry, "World Vision's New Weapon," Fund Raising Management, June 1993, p. 22. Highbeam source დაარქივებული 2012-11-02 საიტზე Wayback Machine.
• Le Pla, Ruth, "A Matter of Faith: Passion in the Boardroom დაარქივებული 2011-07-24 საიტზე Wayback Machine. ," New Zealand Management, November 2006, p. S18.
• Whaites, Alan, Pursuing Partnership: World Vision and the Ideology of Development,' Development in Practice, 1999, Volume 9, Number 4 [1] დაარქივებული 2016-09-14 საიტზე Wayback Machine.
• Gary F. VanderPol: The Least of These: American Evangelical Parachurch Missions to the Poor, 1947–2005 Boston University School of Theology, 2010, (Dissertation)
• J.R.Hamilton: "An Historical Study of Bob Pierce and World Vision's Development of the Evangelical Social Action Film" Dissertation, University of Southern California, 1980
• Transformational empowerment of children in India [2] დაარქივებული 2016-03-31 საიტზე Wayback Machine.
• David Stoll, Is Latin America Turning Protestant? The Politics of Evangelical Growth, University of California Press, Oxford 1990, ISBN 0-520-07645-1.

რესურსები ინტერნეტში

• World Vision-ის ინტერნაციონალური საიტი