საქართველოს ეროვნული მნიშვნელობის კატეგორიის კულტურის უძრავი ძეგლების ერთიანი ბაზის შექმნა, როგორც ქართულ, ისე უცხო (ინგლისურ, რუსულ...) ენებზე, რაც მომავალში ხელს შეუწყობს სხვადასხვაენოვან ვიკიპედიებთან ერთობლივი, თანამშრომლობის პროექტების განხრციელებას.
საქართველოს ეროვნული მნიშვნელობის კატეგორიის კულტურის უძრავი ძეგლების და ქართული კულტურის პოპულარიზაცია.
ასევე ქართული ვიკიპედიის პოპულარიზაცია და ახალი მომხმარებლების მოზიდვა.
შედეგები გამოქვეყნდება 2019 წლის აგვისტოს დასასრულს!
მონაწილეობის პირობები
ახალი სტატია შექმნილი უნდა იყოს თქვენს მიერ 2019 წლის 1 ივლისის 0:00 (UTC+04:00)-დან — 31 აგვისტოს, 23:59 (UTC+04:00; თბილისის დრო)-მდე. სტატია უნდა შედგებოდეს მინიმუმ 150 სიტყვისაგან. სტატიას მითითებული უნდა ჰქონდეს სანდო და გადამოწმებადი წყაროები. თითო მონაწილეს შეუძლია გაიმარჯვოს მხოლოდ ერთ კატეგორიაში. შეგიძლიათ გააზიაროთ თქვენი სტატიები სოციალურ ქსელებში ჰაშთაგით: #საქართველოსკულტურულიძეგლები • #ემკკუძ2019. ორგანიზატორებისთვის და ჟიურის წევრებისთვის მონაწილეობა შეზღუდულია. სტატიები შეფასდება არა მოცულობით, არამედ ხარისხის მიხედვით. ჟიურის შეუძლია გამოთიშოს კონკრეტული მომხმარებელი ე.წ. „სამართლიანი თამაშის“ წესების დარღვევის გამო, რაშიც იგულისხმება 24 საათის განმავლობაში მომხმარებლის მიერ შექმნილი ბევრი სტატია, რაც ვერ შეიქმნება გონივრულ ვადაში (განსაუთრებით ბოლო 1 დღის განმავლობაში, კონკურსის დასკვნით ეტაპზე). აგრეთვე, ჟიურის შეუძლია გამოთიშოს კონკრეტული მონაწილე მასობრივად წინასწარ გამზადებული სტატიის ატვირთვისთვის, კონკურსის ნებისმიერ ეტაპზე და ყველა იმ შემთხვევაში, რაც ეწინააღმდეგება სამართლიანი თამაშის წესს. მოითმინეთ შედეგების გამოქვეყნებამდე! გისურვებთ გამარჯვებას!
