ვეფხისციხე

ვეფხისციხე — ისტორიული სოფელი კახეთში, გაღმა მხარში.

XVIII საუკუნის 60-იან წლებში ლომისციხესთან ერთად მეფე ერეკლე II-მ დაასახლა იმ სოფლების გადარჩენილი მოსახლეობით, რომლებიც ლეკების მიერ იყო დარბეული. მდებარეობდა ყვარლის სამხრეთ-დასავლეთით 0,5 კმ-ზე. ვეფხისციხე სამეფო მფლობელობაში იყო და მას ჩოლოყაშვილების საგვარეულოდან დანიშნული მოურავი განაგებდა. რუსეთის იმპერიის წინააღმდეგ კახეთის თავად-აზნაურთა შეთქმულების (1802) დროს კარის მრჩეველი კარნეევი და გენერალ-მაიორი გულიაკოვი ვეფხისციხეში მივიდნენ, მაგრამ შეთქმულების მონაწილე მოურავი დავით ჩოლოყაშვილი გაქცეული დახვდათ. 1804 წლის კამერალური აღწერით საბატონო და საეკლესიო მფლობელობის სოფელი იყო.

ლიტერატურა

გიულდენშტედტის მოგზაურობა საქართველოში, გ. გელაშვილის თარგმ. და გამოც., ტ. 1, თბ., 1962.
საქართველოს ისტორიის ნარკვევები, ტ. 4, თბ., 1973.

ცინცაძე ზ., ენციკლოპედია „საქართველო“, ტ. 3, თბ., 2014.
Акты, собранные Кавказской археографической комиссией (АКАК), т. 1, Тфл.,1866.