ვაუ-ენ-ნამუსი
ვაუ-ენ-ნამუსი (არაბ. واو الناموس) — ვულკანი სამხრეთ ლიბიაში, ფეცანის რეგიონში. მდებარეობს საჰარის გეოგრაფიული ცენტრის სიახლოვეს. პლეისტოცენური ან ჰოლოცენური ასაკისაა. აქვს 100 მ სიღრმისა და 4 კმ სიგანის კალდერა, რომელიც გარშემორტყმულია ტეფრით. ვაუ-ენ-ნამუსის კალდერის ჩრდილო-დასავლეთით 5 კმ-ში გაწოლილია პატარა კრატერი. საკუთრივ კალდერა შეიცავს შლაკურ კონუსს, რომელიც ფრეატომაგმატური მასალისაგან შედგება. კალდერის ირგვლივ 10-20 კმ-ზე ვრცელდება ბაზალტური ტეფრით აგებული ტერიტორია, რომელიც კარგად ჩანს კოსმოსიდან. კალდერაში გვხვდება 3 პატარა მარილიანი ტბა, წყალსატევები და მცენარეულობა. ტბების საერთო ფართობია 0,3 კმ². უდიდესი ტბის ზედაპირის ფართობია 0,146 კმ², ხოლო სიღრმე 12,5 მ. უღრმესი წყალსატევის სიღრმე 15-16 მ აღწევს. წყალსატევების სიმაღლე ზღვის დონიდან 434 მ-მდეა. ზოგიერთი ტბა შრება. ტბები იკვებებიან მტკნარწყლიანი წყაროებით. გეოლოგიური თვალსაზრისით, ვაუ-ენ-ნამუსი იზოლირებული ვულკანია. ადგილობრივი ტურისტული ობიექტია.
| ვაუ-ენ-ნამუსი | |
|---|---|
 ვაუ-ენ-ნამუსი | |
| კოორდინატები: 24°55′03″ ჩ. გ. 17°45′46″ ა. გ. / 24.91750° ჩ. გ. 17.76278° ა. გ. | |
| ქვეყანა |  ლიბია
|
| სიმაღლე | 547 მ |
  | |
რესურსები ინტერნეტში
რედაქტირება- გლობალური ვულკანიზმის პროგრამა დაარქივებული 2009-07-03 საიტზე Wayback Machine. (ინგლისური)