ვაკიჯვრის განძი

ვაკიჯვრის განძი — ძვ. წ. XII –XI საუკუნეების ბრინჯაოს ნივთების განძი. აღმოჩენილია 1936 წელს სოფ. ვაკიჯვარში (ოზურგეთის მუნიციპალიტეტი), ადგილ ქორბუდეში.

განძის შემადგენლობაში იყო კოლხური ცული (დ. ქორიძისეული კლასიფიკაციით — I სახეობის), დაზიანებული წალდი, ბრტყელი ცულის ნატეხი, სამი თოხი, სეგმენტისებური იარაღის ნატეხები; შუბისპირი, სატეხი (თუ ბრტყელი ცული), 24 ზოდი. 1960 წელს სოფელში აღმოჩნდა ძვ. წ. II ათასწლეულის დასასრულის – I ათასწლეულის I ნახევრის მშვილდსაკინძი, იგი ერთწილადია, მშვილდი შემკულია წიწვისებური ორნამენტით. მასალა ინახება ოზურგეთის ისტორიულ მუზეუმში.

ლიტერატურა

რამიშვილი ა., კოლხეთის მატერიალური კულტურის ისტორიიდან, ბათ., 1974.
ქორიძე დ., კოლხური კულტურის ისტორიისათვის, თბ., 1965.
რამიშვილი ა., ვაკიჯვრის განძი // ენციკლოპედია „საქართველო“, ტ. 3, თბ., 2014. — გვ. ?.