ელ-ქაზიმი
ქაზიმის პროვინცია ( არაბ. منطقة القصيم ), ასევე ცნობილი როგორც ქასმის რეგიონი და ოფიციალურად ელ-ქაზიმის პროვინციის საამირო, [1] — საუდის არაბეთის 13 პროვინციიდან ერთ-ერთი. ის მდებარეობს ქვეყნის ცენტრში, არაბეთის ნახევარკუნძულის გეოგრაფიული ცენტრის მახლობლად, რომლის მოსახლეობა 1 370 727 ადამიანია. პროვინციის ფართობი 58,046 კვადრატულ კილომეტრს შეადგენს. პროვინცია ცნობილია, როგორც ,,ალიმენტური კალათა", რაც მის სოფლის მეურნეობისთვის უმნიშვნელოვანეს ფუნქციას უსვალს ხაზს.
|
ელ-ქაზიმი منطقة القصيم | ||
 | ||
| ქვეყანა |
 საუდის არაბეთი | |
|---|---|---|
| ადმ. ცენტრი | ბურაიდა | |
| კოორდინატები | 25°48′23″ ჩ. გ. 42°52′24″ ა. გ. / 25.80639° ჩ. გ. 42.87333° ა. გ. | |
| ფართობი | 58 046 კმ² | |
| სალაპარაკო ენები | არაბული | |
| მოსახლეობა | 1 215 858 კაცი (2010) | |
| სიმჭიდროვე | 21 კაცი/კმ² | |
| ეროვნული შემადგენლობა | არაბები | |
| საფოსტო ინდექსი | 05 | |
| ||
ალ-ქაზიმი საუდის არაბეთის ერთ სულ მოსახლეზე ყველაზე მდიდარი რეგიონია. [2] მოსახლეობის მიხედვით ეს არის ქვეყნის მეშვიდე რეგიონი და მეხუთე ყველაზე მჭიდროდ დასახლებული. მას აქვს 400-ზე მეტი ქალაქი, დაბა, სოფელი და ბედუინის დასახლებები, რომელთაგან ათს გუბერნატორი მართავს. მისი დედაქალაქია ბურაიდა, რომელიც რეგიონის მთლიანი მოსახლეობის დაახლოებით 60% -ს შეადგენს. პროვინციის გუბერნატორი 1992 წლიდან 2015 წლის 29 იანვრამდე იყო უფლისწული ფეიზალ ბინ ბანდარი, რომლის მემკვიდრე იყო პრინცი ფეისალ ბინ მიშაალი .
ეტიმოლოგია
რედაქტირებატერმინი ალ-ქაზიმი მომდინარეობს სიტყვა ,,ქაზიმაჰ"-ისგან (არაბულად: قصيمة), რაც ნიშნავს რეგიონის ქვიშის დიუნებს, საიდანაც იზრდება თეთრი საქსალის ხეები. [3]
ადგილმდებარეობა
რედაქტირებაპროვინცია მდებარეობს საუდის არაბეთის ცენტრში დაახლოებით 400 კილომეტრით ჩრდილო-დასავლეთით დედაქალაქ რიადიდან. მას ესაზღვრება სამხრეთით და აღმოსავლეთით რიადის რეგიონი, ჩრდილოეთით ჰაილის რეგიონი და დასავლეთით ალ მადინას რეგიონი . რეგიონი საუდის არაბეთის თითქმის ყველა ნაწილთან არის დაკავშირებული ავტომაგისტრალების ძალიან რთული ქსელით. რეგიონული აეროპორტი, პრინცი ნაიფ ბინ აბდულაზიზის რეგიონული აეროპორტი, ალ ქაზიმს (გასიმს) აკავშირებს ქვეყნის სხვა პროვინციებთან.
მოსახლეობა
რედაქტირება| წელი | მოსახლეობა [4] |
|---|---|
| 1992 წ | 750,979 |
| 2004 წ | 1,015,972 |
| 2010 წ | 1,234,531 |
| 2014 წ | 1,370,727 |
ცნობილია, რომ ელქაზიმის მკვიდრთა აქცენტი გამორჩეულია. ალ ქაზიმის აქცენტს ან ,,ალ-კასიმიას” უწოდებენ.
Განათლება
რედაქტირებასკოლები
რედაქტირებარეგიონის ყველა ქალაქსა და მცირე ქალაქში მდებარეობს სკოლები სამივე საგანმანათლებლო საფეხურისთვის (დაწყებითი, საშუალო და საშუალო) და მოიცავს სხვადასხვა ტიპის სკოლებს ( საჯარო, კერძო, მედრესე, საერთაშორისო).
რეგიონს ჰყავს 263 379 ქალი და კაცი სტუდენტი, 33 061 ქალი და მამაკაცი პედაგოგი და 2 533 სკოლა. [5]
უნივერსიტეტები
რედაქტირებაკასიმის უნივერსიტეტი დაარსდა 2004 წელს იმამ მუჰამედ იბნ საუდის ისლამური უნივერსიტეტისა და კინგ საუდის უნივერსიტეტის ქასიმის ორი ფილიალის შერწყმით. უნივერსიტეტის დაარსების შემდეგ, აქ ჩარიცხულთა რიცხვი მკვეთრად გაიზარდა და გაფართოვდა ადმინისტრაციაც. 2010-11 წლებში უნივერსიტეტში დარეგისტრირებული კაცი და ქალი სტუდენტთა რიცხვი 50 000-ს უახლოვდებოდა, ხოლო პროფესორ-მასწავლებელთა და პერსონალის რაოდენობამ 4000-ს გადააჭარბა, ამჟამად უნივერსიტეტი მოიცავს 28 კოლეჯს როგორც კაცი, ასევე ქალი სტუდენტისათვის.[6]
ქალაქები
რედაქტირებაბურაიდა რეგიონის ოფიციალური დედაქალაქი და პროვინციის უდიდესი ქალაქია და მასში პროვინციის მოსახლეობის ნახევარზე მეტი ცხოვრობს. პროვინციის მთავრის სასახლე ქალაქში მდებარეობს, სხვა სამთავრობო ცენტრებთან ერთად. ბურაიდა მასპინძლობს ყველაზე მნიშვნელოვან კულტურულ, სპორტულ, მხატვრულ და ოფიციალურ ღონისძიებებს, რომლებიც პროვინციაში ტარდება. ეს ქვეყნის მეშვიდე ქალაქია (მოსახლეობის მიხედვით), რომლის საერთო მოსახლეობა 609,000 ადამიანია (2010 წლის აღწერა).
უნაიზაჰი რეგიონის სიდიდით მეორე ქალაქია, სადაც მოსახლეობის საერთო რაოდენობა 163000 ადამიანის აღწევს (2010 წლის აღწერა). ქალაქსა და საუდის არაბეთის სამეფო ოჯახს შორის გაფორმებული ხელშეკრულების თანახმად,მას ალ სულაიმთა დინასტია მართავს. ქალაქი ცნობილია ტურისტული ღირსშესანიშნაობებითა და ფესტივალებით .
არ რასი სიდიდით მესამე ქალაქია ალ კასიმის პროვინციაში მოსახლეობის მიხედვით, სადაც მოსახლეობის საერთო რაოდენობა - 133,000 ადამიანია (2010 წლის აღწერა). ასევე მიიჩნევა, რომ არ რასი ალ-კასიმის პროვინციის უდიდესი ქალაქია ტერიტორიის მიხედვით. მისი ფართობია დაახლოებით 60 კვადრატული კილომეტრია.
სქოლიო
რედაქტირება- ↑ Emirate of Al-Qasim Province. დაარქივებულია ორიგინალიდან — 2020-12-09.
- ↑ Poverty in the Kingdom of Gold (2 November 2012). ციტირების თარიღი: 17 March 2014
- ↑ Ibn Mandhur, Lisan al-Arab, [https://web.archive.org/web/20111004085653/http://www.baheth.info/all.jsp?term=%D8%A7%D9%84%D9%82%D8%B5%D9%8A%D9%85 დაარქივებული 2011-10-04 საიტზე Wayback Machine. [1]] ق-ص-م
- ↑ Archived copy. დაარქივებულია ორიგინალიდან — 6 February 2015. ციტირების თარიღი: 17 January 2015.
- ↑ الاقتصادية : تفاوت في توزيع المدارس والطلاب بين مناطق السعودية.
- ↑ "History of QU". Archived from the original on 14 March 2013. Retrieved 16 January 2015.