ეკატერინი საკელაროპულუ
ეკატერინი საკელაროპულუ (ბერძ. Αικατερίνη Σακελλαροπούλου, დ. 30 მაისი, 1956, თესალონიკი) — ბერძენი მოსამართლე და საბერძნეთის სახელმწიფო საბჭოს (უზენაესი ადმინისტრაციული სასამართლოს) პირველი ქალი თავმჯდომარე. საბერძნეთის პრეზიდენტი. თანამდებობა დაიკავა 2020 წლის 13 მარტს.
| ეკატერინი საკელაროპულუ | |
 | |
| საბერძნეთის პრეზიდენტი | |
|---|---|
| ამჟამინდელი თანამდებობა | |
| დაიკავა | 13 მარტი, 2020 |
| წინამორბედი | პროკოპის პავლოპულოსი |
საბერძნეთის სახელმწიფო საბჭოს თავმჯდომარე | |
| თანამდებობაზე ყოფნის დრო | |
| 17 ოქტომბერი, 2018 – 22 იანვარი, 2020 | |
| წინამორბედი | ნიკოლაოს საკელარიუ |
| დაბადებული | 30 მაისი, 1956 თესალონიკი |
| განათლება | ათენის უნივერსიტეტი |
2020 წლის 15 იანვარს ქვეყნის პრემიერ-მინისტრმა კირაკოს მიცოტაკისმა მისი კანდიდატურა წამოაყენა პრეზიდენტის თანამდებობაზე[1][2]. 2020 წლის 22 იანვარს ხმათა უმრავლესობით აირჩიეს ქვეყნის პრეზიდენტად და გახდა საბერძნეთის ისტორიაში პირველი ქალი პრეზიდენტი[3][4][5].
ბიოგრაფია რედაქტირება
ეკატერინი საკელაროპულუ დაიბადა თესალონიკში. მისი ოჯახი წარმოშობით იყო ქალაქ სტავროპულიდან, ქსანთის პრეფექტურა. იგი სწავლობდა ათენის უნივერსიტეტის სამართლის ფაკულტეტზე. 1980-იანი წლების შუა პერიოდში ეკატერინი გახდა სახელმწიფო საბჭოს წევრი და 2000 წელს დანიშნეს მრჩევლად[6]. 2015 წელს იგი გახდა სახელმწიფო საბჭოს ვიცე-პრეზიდენტი, ხოლო 2018 წლის ოქტომბერში ერთხმად აირჩიეს სახელმწიფო საბჭოს პრეზიდენტად[7].
იგი იყო სახელმწიფო საბჭოს მოქმედი მოსამართლეების ასოციაციის წევრი. მას სხვადასხვა დროს იურიდიულ ასოციაციაში ეკავა გენერალური მდივნის (1985-1986 წწ.), ვიცე-პრეზიდენტისა (2006-2008 წწ.) და პრეზიდენტის (1993-1995 და 2000-2001 წწ.) თანამდებობები[6].
ეკატერინი საკელაროპულუ რეგულარულად წერდა სტატიებს სამეცნიერო ჟურნალებში. ასევე მონაწილეობა მიიღო წიგნის „ფინანსური კრიზისი და გარემოს დაცვა სახელმწიფო საბჭოს პრეცედენტულ სამართალში“ დაწერაში[8].
2020 წლის 22 იანვარს საბერძნეთის 300-კაციანმა პარლამენტმა 261 ხმით აირჩია ქვეყნის პრეზიდენტად[3].
პირადი ცხოვრება რედაქტირება
საკელაროპულუ ცხოვრობს თავის პარტნიორთან, ადვოკატ პავლოს კოცონისთან[9]. მას ჰყავს ერთი შვილი წინა ქორწინებიდან[10].
სქოლიო რედაქტირება
- ↑ Greek PM taps top female judge as country's president. ციტირების თარიღი: 2020-01-16.
- ↑ Greek PM Taps Top Female Judge as Country's President. დაარქივებულია ორიგინალიდან — 2020-01-16. ციტირების თარიღი: 2020-01-16.
- ↑ 3.0 3.1 Πρόεδρος της Δημοκρατίας εξελέγη η Αικατερίνη Σακελλαροπούλου, του Γιώργου Σ. Μπουρδάρα | Kathimerini. ციტირების თარიღი: 2020-01-22
- ↑ საბერძნეთს ისტორიაში პირველი ქალი პრეზიდენტი ჰყავს. დაარქივებულია ორიგინალიდან — 2020-01-26. ციტირების თარიღი: 2020-01-22.
- ↑ საბერძნეთს პირველი ქალი პრეზიდენტი ჰყავს
- ↑ 6.0 6.1 Ποια είναι η πρώτη γυναίκα πρόεδρος του ΣτΕ, Αικατερίνη Σακελλαροπούλου. ციტირების თარიღი: 2020-01-15.
- ↑ Όλα τα ονόματα των προέδρων και αντιπροέδρων των Ανωτάτων Δικαστηρίων. ციტირების თარიღი: 2020-01-15.
- ↑ Αικατερίνη Σακελλαροπούλου. ციტირების თარიღი: 2020-01-15.
- ↑ Το προφίλ της Σακελλαροπούλου: Λάτρης της φύσης, των ταξιδιών και των γατών | Star.gr. ციტირების თარიღი: 2020-01-22
- ↑ Smith, Helena (2020-01-16). „Progressive judge to become Greece's first female president“. The Guardian (ინგლისური). ISSN 0261-3077. ციტირების თარიღი: 2020-01-22.