მთავარი მენიუს გახსნა

ევერესტი

დედამიწის უმაღლესი მთა, მწვერვალი მდებარეობს ზღვის დონიდან 8,848 მეტრის სიმაღლეზე.

ევერესტი (აგრეთვე ცნობილი როგორც ჩომოლუგმა, ჯომოლუნგმა, საგარმათხა) — დედამიწის უმაღლესი წერტილი. სიმაღლე 8848 მ. მდებარეობს ჰიმალაიში, ნეპალისა და ჩინეთის საზღვარზე. საფუძველი აგებულია კამბრიულისწინა გნაისებითა და გრანატებით, 7000 მეტრის ზევით — მეზოზოური კრისტალური ფიქლებითა და კირვებით. მასივიდან ყველა მხარეს ეშვება მყინვარები, რომელთა ბოლოები 5000 მეტრ სიმაღლეზე მდებარეობენ. ევერესტს პირამიდის ფორმა აქვს, სამხრეთი კალთა უფრო ციცაბოა, თოვლი და ფირნი არ ჩერდება და გაშიშვლებულია.

ევერესტი
მწვერვალი ევერესტი
მწვერვალი ევერესტი
კოორდინატები: 27°59′17″ ჩ. გ. 86°55′31″ ა. გ. / 27.98806° ჩ. გ. 86.92528° ა. გ. / 27.98806; 86.92528
ქვეყანა ნეპალის დროშა ნეპალი
ჩინეთის დროშა ჩინეთი
ტერიტორიული ერთეული სოლუქუმბუს რაიონი, საგარმათხის ზონა (ნეპალი)
ტინგრი, შიგაძე, ტიბეტის ავტონომიური რეგიონი (ჩინეთი)
სიმაღლე 8848 
შეფარდებითი სიმაღლე 8848 
მთის მასივი ჰიმალაი
ქედი მაჰალანგურ-ჰიმალი
ამგებელი ქანები გნაისი
გრანიტი
კრისტალური კირქვა
ფიქალი
პირველი ასვლა ედმუნდ ჰილარი/ნორგეი თენცინგი (29 მაისი, 1953)
უმარტივესი მარშრუტი სამხრეთი ფერდობი (ნეპალი)
ევერესტი — ნეპალი
ევერესტი
ევერესტი — ჩინეთი
ევერესტი
Commons-logo.svg სურათები ვიკისაწყობში

ევერესტი პირველად დაიპყრეს 1953 წლის 29 მაისს ჯ. ჰანტის ინგლისელი ექსპედიციის წევრებმა: თენცინგ ნორგეიმ და ედმუნდ ჰილარიმ. 1982 წლის 4 მაისს ევერესტს დაულაშქრავი მარშრუტით მიაღწიეს საბჭოთა ალპინისტებმა ვლადიმერ ბალიბერდინმა და ედუარდ მისლოვსკიმ, იმავე ღამით (რაც უნიკალური შემთხვევაა ჯომოლუნგმაზე ასვლის ისტორიაში) მწვერვალი დალაშქრეს სერგეი ბერშოვმა და მიხეილ ტურკევიჩმა.

სახელის დარქმევა ერთგვარი პრობლემა გახდა. კანდიდატებს შორის ბევრი ადგილობრივი სახელი იყო, ერთ-ერთი ყველაზე ცნობილი მრავალსაუკუნოვანი ასეთი სახელი ტიბეტში იყო ჯომოლუნგმა. მოხსენება ამის თაობაზე, 1733 წელს პარიზში ფრანგმა გეოგრაფმა ანვილმა გამოაქვეყნა. ნეპალში კი ამ მთას დღემდე საგარმათხას ეძახიან. ბოლოს ენდრიუ ვომ განაცხადა, რომ ადგილობრივი სახელების სიმრავლე გაართულებდა მათ შორის ერთ-ერთის არჩევას, ამიტომ ჯორჯ ევერესტის პატივსაცემად წარადგინა ევერესტის სახელწოდება. საგულისხმოა, რომ მთის ზუსტი სიმაღლე სწორედ ევერესტმა განსაზღვრა.

იხილეთ აგრეთვერედაქტირება

რესურსები ინტერნეტშირედაქტირება