დიდი ჩვამა
დიდი ჩვამა (ლათ. Phalacrocorax carbo) — ფრინველი ჩვამასებრთა ოჯახისა. დიდი ზომის წყალმცურავი ფრინველია. მისი სხეულის სიგრძეა 80–100 სმ, ფრთის შლილი 130–160 სმ. გამრავლების პერიოდში თითქმის მთლიანად მბზინავი შავი შეფერილობისაა. მხოლოდ კისერი, კეფა, ბარძაყზე არსებული ხალი და ჩიჩახვის წინა ნაწილია თეთრი. ზამთარში ჩიჩახვის გამოკლებით ეს ადგილებიც შავდება. ახალგაზრდა ფრინველი მოყავისფროა, მოთეთრო-მოყავისფრო სხეულის ქვედა ნაწილით. მცირე გუნდების სახით დიდი ჩვამების ნახვა ხშირად შეიძლება წყლიდან ამოშვერილ კლდეებსა თუ ხელოვნურ პლატფორმებზე. ცურვის დროს ტანი ღრმად იძირება წყალში, კისერი სწორად უჭირავს, თავი კი ოდნავ ზემოთა აქვს მიმართული. წყლიდან ამოსვლის შემდეგ ფრინველები ფრთებს შლიან და იშრობენ. ფრენისას გუნდი ერთ ხაზზე მწკრივდება ან V-ს ფორმას იღებს. გვხვდება წყალსაცავებში და ტბებში, ასევე მდინარეებში. საქართველოში მობინადრეა.
| დიდი ჩვამა | |||||||||||||||
|---|---|---|---|---|---|---|---|---|---|---|---|---|---|---|---|
 | |||||||||||||||
| მეცნიერული კლასიფიკაცია | |||||||||||||||
| |||||||||||||||
| ლათინური სახელი | |||||||||||||||
| Phalacrocorax carbo (Linnaeus, 1758) | |||||||||||||||
| დაცვის სტატუსი | |||||||||||||||
 IUCN 3.1 Least Concern : 22696792 | |||||||||||||||
| გავრცელება | |||||||||||||||
 მუდმივი არეალი ზაფხულის არეალი ზამთრის არეალი | |||||||||||||||
| |||||||||||||||
ლიტერატურა
რედაქტირება- დარჩიაშვილი გ., საქართველოს არიდული და სემიარიდული ეკოსისტემების ფრინველთა სარკვევი, გვ. 10, თბ., 2002.