დიდალი
დიდალი (ტაჯ. Дидал) — რთული ხეობის ტიპის მყინვარი ტაჯიკეთში. მდებარეობს პეტრე პირველის ქედის ჩრდილოეთ კალთაზე, მდინარე სურხობის აუზში. სიგრძე 4.8 კმ, ფართობი 1.6 კმ². მყინვარის ბოლო იმყოფება ზღვის დონიდან 3000 მ. იწყება კაუდალის პიკის ციცაბო კალთებიდან.[1]
დიდალი
| |
|---|---|
| კოორდინატები: 38°58′20″ ჩ. გ. 70°41′25″ ა. გ. / 38.97222° ჩ. გ. 70.690306° ა. გ. | |
| ქვეყანა |  ტაჯიკეთი
|
| ქედი | პეტრე პირველის ქედი |
| ფართობი | 1.6 კმ² |
| სიგრძე | 4.8 კმ |
  | |
მყინვარიდან გამოედინება მდინარე სურხობის შენაკადი კაუდალი. მყინვარის ენა ჩამოწოლილია ვიწრო ხეობაში. აღსანიშნავია, რომ დიდალი დღე-ღამეში რამდენიმე სმ-ით გადაადგილდებოდა, თუმცა 1974 წლის ზაფხულში მოულოდნელად მისი სიჩქარე ათჯერ გაიზარდა.[2]
რამდენიმე ასეული მ-ის სიგრძის მომატების შემდეგ, მყინვარს დაახლოებით 2 მლნ. მ³ მოცულობის მქონე ნაწილი მოწყდა, რომელიც დაეშვა ციცაბო კლდოვან ხეობაში და მდინარე კაუდალის ხეობა დამტვრეული ყინულით ამოავსო. დროდადრო მყინვარი სათავეს უდებდა ღვარცოფულ ნაკადებს. ყინულოვანი ჩამონაქცევის გადნობას მდინარე კაუდალზე 2 წელიწადი დასჭირდა.[2]