დემეტრე თავდადებულის ფელსი

დემეტრე თავდადებულის ფელსი — საქართველოს მეფე დემეტრე II-ის (1271–1289) სახელით მოჭრილი სპილენძის მონეტა (ფელსი). შუბლზე ორნამენტული ჩარჩოს ცენტრში მოთავსებულია დაქარაგმებული ასომთავრული წარწერა „დემეტრე“, ჩარჩოს გარეთ — „მეფეთა მეფე“, ზურგზე, ცენტრში მოთავსებული ორნამენტული ნიშნის ირგვლივ, წარწერაა „გურწამს მამაჲ ძეჲ და სული წმიდაჲ“. ინახება საქართველოს ეროვნული მუზეუმის ს. ჯანაშიას სახელობის საქართველოს მუზეუმში.

ლიტერატურა

• კაპანაძე დ., ქართული ნუმიზმატიკა, თბ., 1969

• ჯალაღანია ი., ქართული საბჭოთა ენციკლოპედია, ტ. 3, თბ., 1978. — გვ. 459.

• ჯალაღანია ი., ენციკლოპედია „საქართველო“, ტ. 2, თბ., 2012.