დაუსრულებელი თხზულებები
„დაუსრულებელი თხზულებები“ (ინგლ. Unfinished Tales) (აგრეთვე ცნობილი როგორც „ნუმენორისა და შუახმელეთის დაუსრულებელი თხზულებები“) — ჯ. რ. რ. ტოლკინის თხზულებებისა და ესეების კრებული, გამოცემული მისი შვილის, კრისტოფერ ტოლკინის რედაქციით.
| „დაუსრულებელი თხზულებები“ | |
|---|---|
| Unfinished Tales | |
 დაუსრულებელი თხზულებები, ორიგინალური გამოცემის ყდა | |
| ავტორი | ჯ. რ. რ. ტოლკინი |
| ილუსტრატორი | სხვადასხვა |
| გარეკანის მხატვარი | სხვადასხვა (2010 წლის გამოცემის ყდა ეკუთვნის ტედ ნასმითს) |
| ქვეყანა | ინგლისი |
| ენა | ინგლისური |
| ჟანრი |
ალტერნატიული ისტორია ფენტეზი |
| გამომცემელი | George Allen & Unwin |
| გამოცემის თარიღი | 1980 |
| მედია | რბილი ყდა, მაგარი ყდა |
| წინამორბედი | სილმარილიონი |
| მომდევნო | შუამიწეთის ისტორია |
განსხვავებით „სილმარილიონისგან“, სადაც წარმოდგენილია არდის სამყაროს ქრონოლოგია, დაწყებული მისი შექმნით და ამა თუ იმ ამბის თხრობაც ბოლომდეა მიყვანილი, წიგნში „დაუსრულებელი თხზულებები“ ეფუძნება ტოლკინის დაუსრულებელ ხელნაწერებს. ამასთან, ყოველ მოთხრობას თან ახლავს ახსნა-განმარტებები, სადაც გამოხატულია ვარაუდები ამა თუ იმ ამბის შესაძლო განვითარებაზე - ისევ სხვა ხელნაწერებიდან გამომდინარე.
ისევე, როგორც სილმარილიონის შემთხვევაში, კრისტოფერ ტოლკინმა ეს წიგნიც გამოსცა მხოლოდ მაშინ, როდესაც საფუძვლიანად შეისწავლა მამის მიერ არქივში დატოვებული ჩანაწერები. "დაუსრულებელი თხზულებები" ინტერესს იწვევს ბეჭდების მბრძანებელში მხოლოდ ნაწილობრივ ნახსენები ფაქტების უფრო ვრცელი სახით გადმოცემით - მოთხრობელია ისტარის, ისილდურის დაღუპვის, როჰანის სამეფოს ჩამოყალიბების შესახებ.
განსაკუთრებულად საინტერესოა ალდარიონისა და ერენდისის ამბის გადმოცემა, რაც წარმოადგენს კუნძულ ნუმენორის ლეგენდებიდან ყველაზე სრული სახით გადარჩენილ ჩანაწერს.
წიგნის კომერციული წარმატებისა და ტოლკინის მოყვარულთა მხრიდან მისი აღიარების შემდეგ, კრისტოფერი წლების განმავლობაში გამოსცემდა წიგნების არანაკლებ მნიშვნელოვან სერიას „შუახმელეთის ისტორია“.
თავები
რედაქტირებანაწილი 1 - პირველი ეპოქა
- ტუორსა და მის გონდოლინში მისვლაზე
- Narn i Chîn Húrin (ამბავი ჰურინის შვილებისა)
ნაწილი 2 - მეორე ეპოქა
- ნუმენორის კუნძულის აღწერა
- ალდარიონი და ერენდისი - მეზღვაურის ცოლი
- ელროსის ხაზი: ნუმენორის მეფენი
- ამბავი გალადრიელისა და კელებორნისა
ნაწილი 3 - მესამე ეპოქა
- მარცხი ზამბახის ველებზე
- კირიონი და ეორლი და გონდორისა და როჰანის მეგობრობა
- მოგზაურობა ერებორში
- ნადირობა ბეჭედზე
- ბრძოლა იზენთან
ნაწილი 4