დანაუ-სენტარუმის ეროვნული პარკი
დანაუ-სენტარუმი (ინდონ. Taman Nasional Danau Sentarum) — ეროვნული პარკი ინდონეზიაში, რომელშიც დაცულია მსოფლიოში ერთ–ერთი ყველაზე ბიომრავალფეროვანი ტბების სისტემა.[1] მდებარეობს კუნძლ ბორნეოს შუაგულში, დასავლეთ კალიმანტანის პროვინციაში. გადაჭიმულია მდინარე კაპუასის ზემო ტქქტონიკურ აუზზე, შესართავიდან 700 კმ-ის მოშორებით. აუზი ვრცელ ჭაობიან ჭალას წარმოადგენს, რომელიც 20 სეზონური ტბისგან, მტკნარი ტბის ჭაობის ტყისგან შედგება. ეროვნული პარკი აუზის დასავლეთ ნაწილში მდებარეობს, სადაც სეზონური ტბების სამი მეოთხედია განაგებული. პარკის დაახლოებით ნახევრაი ტბებისგან შედგება, ნახევარი კი მტკნარი წყლის ჭაობის ტყეებისგან.
| დანაუ-სენტარუმის ეროვნული პარკი
Taman Nasional Danau Sentarum | |
|---|---|
IUCN კატეგორია II (ეროვნული პარკი)
| |
 | |
| მდებარეობა |  ინდონეზია, კუნძული კალიმანტანი
|
| უახლოესი ქალაქი | პონტიანაკი |
| კოორდინატები | 0°51′ ს. გ. 112°06′ ა. გ. / 0.850° ს. გ. 112.100° ა. გ. |
| ფართობი | 1 320 კმ² |
| დაარსდა | 1999 |
| მმართველი ორგანო | ინდონეზიის სატყეო სამინისტრო |
800 კმ² ტერიტორია ველური ბუნების ნაკრძალად პირველად 1982 წელს გამოცხადდა; 1994 წელს მას კიდევ 1320 კმ² დაემატა და რამსარის ძეგლი გახდა. 1999 წელს ეროვნული პარკის სტატუსი მიენიჭა, თუმცა ეროვნული პარკის ადმინისტრაცია მხოლოდ 2006 წელს შეიქმნა.[2]
დანაუ-სენტარუმის ეროვნული პარკი მდიდარია თევზებით, სულ აღწერილია მათი 240 სახეობა. დადგენილია ფრინველთა 237 სახეობა, ძუძუმწოვართა 143 სახეობიდან კი 23 ბორნეოს ენდემია; მათ შორისაა ცხვირა მაიმუნი. შედარებით ფართოდაა წარმოდგენილი საფრთხის ქვეშ მყოფი ორანგუტანები. წარმოდგენილია რეპტილიების 26 სახეობა.
ტბები ხელს უწყობს ტრადიციულ მეთევზეობას. კაპუასის ზემო ჭალის დასავლეთ ნაწილში სახლობს 20 000 ადამიანი, რომელთა 88% მალაიელი მეთევზეა. პარკის ტრეიტორიაზე არსებულ 20 სოფელში სახლობს 3 000 ადამიანი.
იხილეთ აგრეთვე
რედაქტირებარესურსები ინტერნეტში
რედაქტირება- Alas Purwo National Park დაარქივებული 2009-11-10 საიტზე Wayback Machine. from Ministry of Forestry, Republic of Indonesia
- The magic of Alas Purwo National Park დაარქივებული 2009-11-10 საიტზე Wayback Machine. from Inside Indonesia Oct-Dec 2004
სქოლიო
რედაქტირება- ↑ Jeanes, Kevin; Meijaard, Erik: Danau Sentarum's wildlife: Biodiversity value and global importance of Danau Sentarum's wildlife, retrieved 2009-09-25
- ↑ Promoting Good Governance in Danau Sentarum National Park დაარქივებული 2012-10-08 საიტზე Wayback Machine. , retrieved 2009-09-25