დავით გვაძაბია
დავით გვაძაბია (დ. 24 თებერვალი, 1945, გულრიფში, აფხაზეთის ასსრ, საქართველოს სსრ — 14 სექტემბერი, 2021, თბილისი, საქართველო) — ქართველი თანამდებობის პირი, პოლიტიკოსი, ტექნოლოგი. საქართველოს V მოწვევის პარლამენტის დეპუტატი.
| დავით გვაძაბია | |
|---|---|
| დაბადების თარიღი | 24 თებერვალი, 1945 |
| დაბადების ადგილი | გულრიფში, აფხაზეთის ასსრ, საქართველოს სსრ, სსრკ |
| გარდაცვალების თარიღი | 14 სექტემბერი, 2021 (76 წლის) |
| გარდაცვალების ადგილი | თბილისი, საქართველო |
| მოქალაქეობა |
 სსრკ → საქართველო |
| განათლება | საქართველოს სუბტროპიკული მეურნეობის ინსტიტუტი |
| ეროვნება | ქართველი |
ბიოგრაფია
რედაქტირება1971 წელს დაამთავრა საქართველოს სუბტროპიკული მეურნეობის ინსტიტუტის ტექნოლოგიური ფაკულტეტი. 1963-1965 წლებში მუშაობდა ქ. სოხუმის ფიზიკა-ტექნიკურ ინსტიტუტში მუშად; 1965-1969 წლებში იყო გულრიფშის რაიონული სამომხმარებლო კოოპერაციის ტექნოლოგი; 1969-1976 წლებში გულრიფშის რაიონის პურკომბინატის დირექტორი; 1976-1979 წლებში გულრიფშის რაიონული სამომხმარებლო კოოპერაციის თავმჯდომარე; 1979-1982 წლებში დრანდის ექსპერიმენტული ჩაის ფაბრიკის დირექტორი. 1982-1985 წლებში გულრიფშის რაიონის აღმასკომის თავმჯდომარის მოადგილე. 1985-1989 წლებში აფხაზეთის ავტონომიური რესპუბლიკის საოლქო კომიტეტის სოფლის მეურნეობის და გადამამუშავებელი მრეწველობის გამგის მოადგილე; 1989-1991 წლებში გულრიფშის რაიკომის პირველი მდივანი, აფხაზეთის ასსრ-ის უმაღლესი საბჭოს დეპუტატი, იურიდიული კომისიის თავმჯდომარე. 1991-2021 წლებში აფხაზეთის ავტონომიური რესპუბლიკის უმაღლესი საბჭოს დეპუტატი. 1992-1995 წლებში გულრიფშის რაიონის გამგებელი; 1995-1999 წლებში აფხაზეთის ავტონომიური რესპუბლიკის უმაღლესი საბჭოს თავმჯდომარის პირველი მოადგილე. 1999 -2004 წლებში იყო საქართველოს მე-5 მოწვევის პარლამენტის წევრი პარტიული სიით, საარჩევნო ბლოკი „საქართველოს მოქალაქეთა კავშირი “. 2019-2021 წლებში იყო აფხაზეთის ავტონომიური რესპუბლიკის უმაღლესი საბჭოს თავმჯდომარის მოადგილე.
მედლები და ჯილდოები
რედაქტირება- ვახტანგ გორგასლის III ხარისხის ორდენი (01-01-1999)
რესურსები ინტერნეტში
რედაქტირება- დავით გვაძაბია — საქართველოს ბიოგრაფიული ლექსიკონი
- დავით გვაძაბია — საქართველოს პარლამენტის ოფიციალური საიტი (მოძველებული / არქივი / ახალი არქივი)