გურამ შეროზია
გურამ შეროზია (დ. 29 ნოემბერი, 1989, ფოთი) — ქართველი ბლოგერი, ლექტორი, მარკეტერი, მოგზაური.
| გურამ შეროზია | |
|---|---|
 | |
| დაბადების თარიღი |
29 ნოემბერი, 1989 ფოთი |
| მოქალაქეობა |
 საქართველო |
| განათლება | ეკონომიკა და ბიზნესი |
| ალმა-მატერი |
თბილისის სახელმწიფო უნივერსიტეტი, GIPA, ილიას სახელმწიფო უნივერსიტეტი |
| საქმიანობა | ბლოგერი, ლექტორი, მარკეტერი |
გურამ შეროზია დაიბადა 1989 წლის 29 ნოემბერს, ფოთში. დაამთავრა ფოთის #1 გიმნაზია და იმავე წელს ჩააბარა თბილისის სახელმწიფო უნივერსიტეტში, ეკონომიკის და ბიზნესის ფაკულტეტზე. ბაკალავრიატის დამთავრებისთანავე, სწავლა განაგრძო მაგისტრატურაზე GIPA-ში, ხოლო 2011 წლიდან ილიას სახელმწიფო უნივერსიტეტში, სადოქტორო პროგრამაზე.
2005 წლიდან მუშაობა დაიწყო საქართველოს ახალგაზრდა ეკონომისტთა ასოციაციაში. 2007 წლიდან კარიერა განაგრძო საქართველოს ბანკში. 2008-2012 წლებში მუშაობდა თიბისი ბანკში, მისი ბოლო პოზიცია იყო საცალო სესხების მიმართულების პროდუქტების მენეჯერი სათავო ოფისში. 2011 წლიდან ლექციების წაკითხვა დაიწყო ილიას სახელმწიფო უნივერსიტეტში. 2015 წლიდან შეუერთდა საქართველოს ეროვნულ უნივერსიტეტს,[1] ხოლო 2016 წლიდან შავი ზღვის საერთაშორისო უნივერსიტეტს.[2]
2013 წელს მუშაობა დაიწყო ტელეკომპანია პალიტრა TV-ზე, გადაცემა „ბიზნეს ფაილის“ წამყვანად. 2014 წელს გახდა „იმედის დილის“ წამყვანი.[3] 2017 წელს ჰქონდა საავტორო გადაცემა "კაცების დრო"[4] საზოგადოებრივ მაუწყებელზე, რომელსაც ოთარ შამათავასთან, რატი ამაღლობელთან და ბასა ჯანიკაშვილთან ერთად უძღვებოდა.
ფილმოგრაფია რედაქტირება
- ახალ წელს დაკარგულები (2014) — ეპიზოდური როლი
- ქართული რეალობა - კინო პოეზია (2015) — მთავარი როლი, ნინი ონიანთან ერთად[5]
რესურსები ინტერნეტში რედაქტირება
- გურამ შეროზიას ბლოგი დაარქივებული 2018-08-06 საიტზე Wayback Machine.
- გურამ შეროზიას ბლოგი Facebook-ზე
სქოლიო რედაქტირება
- ↑ საქართველოს ეროვნული უნივერსიტეტი
- ↑ გურამ შეროზია დაარქივებული 2019-10-05 საიტზე Wayback Machine. , შავი ზღვის საერთაშორისო უნივერსიტეტი
- ↑ „იმედის დილა“
- ↑ „კაცების დრო“. დაარქივებულია ორიგინალიდან — 2022-12-16. ციტირების თარიღი: 2018-12-12.
- ↑ „ქართული რეალობა - კინო პოეზია“