გუდაუთის უღელტეხილი
უღელტეხილი საქართველოში, აფხაზეთის ავტონომიურ რესპუბლიკაში
გუდაუთის უღელტეხილი — უღელტეხილი საქართველოში, აფხაზეთის ავტონომიურ რესპუბლიკაში, გუდაუთისა და სოხუმის მუნიციპალიტეტების ადმინისტრაციულ საზღვარზე. მდებარეობს ბზიფის ქედზე, მდინარეების მწარის (ააფსთის მარცხენა შენაკადი) და რეშევიეს (ბზიფის მარცხენა შენაკადი) სათავეებში. სიმაღლე ზღვის დონიდან 1565 მ. მიდამოები შემოსილია წიფლნარით და წიფლნარ-მუქწიწვოვნებით. გუდაუთის უღელტეხილი ააფსთის აუზს (შავიზღვისპირეთი) საცალფეხო ბილიკით აკავშირებს ბზიფის ხეობასთან (სოფლები: რეშევიე, სერებრიანოე — ყოფილი ვერცხლოვანი).
გუდაუთის უღელტეხილი | |
---|---|
კოორდინატები: 43°17′44″ ჩ. გ. 40°48′23″ ა. გ. / 43.29556° ჩ. გ. 40.80639° ა. გ. | |
ქვეყანა | საქართველო |
ტერიტორიული ერთეული | აფხაზეთის ავტონომიური რესპუბლიკა |
სიმაღლე | 1565 მ |
ქედი | ბზიფის ქედი |
ლიტერატურა რედაქტირება
- უკლება დ., ენციკლოპედია „საქართველო“, ტ. 2, თბ., 2012. — გვ. 183–184.