გუგულის ქედი

გუგულის ქედი — ქედი საქართველოში, შიდა ქართლის მხარის ხაშურის მუნიციპალიტეტში. წარმოადგენს ლიხის ქედის სამხრეთ-აღმოსავლეთ გაგრძელებას შიდა ქართლის ვაკეზე. ლიხის ქედს გამოეყოფა სოფელ ბრილთან. ზღვის დონიდან 817 მეტრამდე სიმაღლის გორაკ-ბორცვიანი სერი აგებულია მესამეული ასაკის თიხებით, მერგელებითა და ქვიშაქვებით. დასავლეთ ნაწილში ფართოფოთლოვანი ტყის კორომებია. დიდი ნაწილი გამოყენებულია სასოფლო-სამეურნეო სავარგულებად.

გუგულის ქედი
კოორდინატები: 42°05′12″ ჩ. გ. 43°33′57″ ა. გ.
ქვეყანა	საქართველო
ტერიტორიული ერთეული	შიდა ქართლის მხარე
სიმაღლე	817 მ
ამგებელი ქანები	თიხა, მერგელი და ქვიშაქვა

ლიტერატურა

• ჯანელიძე ჭ., ენციკლოპედია „საქართველო“, ტ. 2, თბ., 2012. — გვ. 172.