გიორგი კედრენე

გიორგი კედრენე (ბერძ. Γεώργιος Κεδρηνός) — XI საუკუნის ბიზანტიელი ისტორიკოსი, ავტორი თხზულებისა „ისტორიული მიმოხილვა“ (ბერძ. Σύνοψις ίστοριών), რომელიც მოიცავს მსოფლიოს ისტორიას ქვეყნის დასაბამიდან 1059 წლამდე.

კედრენეს თხზულება, ძირითადად, კომპილაციაა, რომელსაც საფუძვლად დაედო იოანე სკილიცეს, გიორგი სვინკელოზის, თეოფანე აღმსარებლის და ზოგიერთ სხვათა შრომები – მათ ავტორი თავის წინასიტყვაობაში იხსენიებს. თხზულება იწყება სამყაროს დასაბამიდან და მოიცავს ებრაელთა, რომაელთა და ბიზანტიელთა ისტორიას. გიორგი კედრენეს საინტერესო ცნობები აქვს ქართველების შესახებ. აღწერს ლაზიკის ურთიერთობას ბიზანტიასა და ირანთან VI საუკუნეში; განსაკუთრებით მნიშვნელოვანია ცნობები X–XI საუკუნეების საქართველოს შესახებ: ბასილი II-ის ლაშქრობები საქართველოში, გიორგი I-ის მეფობა და ბაგრატ IV-ის ბიზანტიასთან ურთიერთობა; ლიპარიტ IV ბაღვაშისა და ბაგრატ IV-ის კონფლიქტები.

ლიტერატურა

• გეორგიკა. ბიზანტიელი მწერლების ცნობები საქართველოს შესახებ, ს. ყაუხჩიშვილის გამოც., ტ. 5, თბ., 1963

• ლომოური ნ., ენციკლოპედია „საქართველო“, ტ. 2, თბ., 2012. — გვ. 28.

რესურსები ინტერნეტში

• Opera Omnia by Migne Patrologia Graeca with analytical indexes
• Imannuel Bekker (Hrsg.): Georgius Cedrenus. 2 vols, Bonn 1838–1839 (reprinted in Jacques Paul Mignes Patrologia Graecae, vols 121–122, Paris 1884–1889).