გივატ შმუელი

გივატ შმუელი
גִּבְעַת שְׁמוּאֵל
ქალაქი
	გივატ შმუელი; גִּבְעַת שְׁמוּאֵל
	გერბი
ქვეყანა	ისრაელი
მუნიციპალიტეტი	ცენტრალური რაიონი (ისრაელი)
კოორდინატები	32°04′41″ ჩ. გ. 34°50′56″ ა. გ. / 32.07806° ჩ. გ. 34.84889° ა. გ.
მერი	იოსი ბროდნი (ებრაული სახლი)
დაარსდა	1944 წ.
ფართობი	2 579 დუნამი 637 აკრი ან 2 579 კმ²
ცენტრის სიმაღლე	50 მეტრი
მოსახლეობა	2022 წ. 28 994 კაცი ;
სიმჭიდროვე	11 000 (29 000 კვ. მილი) კაცი/კმ²
ეროვნული შემადგენლობა	ებრაელები და სხვები 99,8%; არაბული 0.2%;
სასაათო სარტყელი	UTC+2
ოფიციალური საიტი	http://www.givat-shmuel.muni.il/
	გივატ შმუელი ვიკისაწყობში

ამ გვერდს არა აქვს შემოწმებული ვერსია, სავარაუდოდ მისი ხარისხი არ შეესაბამებოდა პროექტის სტანდარტებს.

გივატ შმუელი (ებრ. גִּבְעַת שְׁמוּאֵל, ლიტ. 'სამუელის მთა') — ქალაქი ისრაელის ცენტრალურ რაიონში. ქალაქი მდებარეობს გუშ-დანის მეტროპოლიტენის ტერიტორიის აღმოსავლეთ ნაწილში და დასავლეთიდან შემოსაზღვრულია რამათ-განითა და ბნეი-ბრაკით, სამხრეთიდან კირიათ-ონოთი და ჩრდილო-აღმოსავლეთით პეტა ტიკვათი. 2022 წელს მისი მოსახლეობა შეადგენდა 28 994 ადამიანს.

ისტორია

ილან რამონის მემორიალური პარკი

ორ ბაგივას მოლი

გივატ შმუელი დაარსდა 1944 წელს. ქალაქს უწოდეს ფოშანში სიონისტური კონგრესის დამფუძნებლისა და პრეზიდენტის, ბაზელის პირველი სიონისტური კონგრესის ვიცე-პრეზიდენტის, რუმინელების სიონისტური ლიდერის, სამუელ პინელესის სახელი. 2007 წლის 5 ნოემბერს, ისრაელის შინაგან საქმეთა მინისტრმა მოიწვია სარეკომენდაციო კომიტეტი, რათა გივატ შმუელის მუნიციპალური სტატუსი 'ქალაქის' სტატუსით შეეცვალა.

დემოგრაფია

2019 წლის დასასრულს, გივატ შმუელის მოსახლეობა შეადგენდა 26 578 ადამიანს, რასაც ახასიათებდა 2.1% ზრდის ტემპი და ახალი ნაგებობების აშენების შემდგომ, დაგეგმილი იყო ქალაქის მოსახლეობის მომატება 40 000 მოსახლემდე. მოსახლეობა არის შერეული რელიგიურ/სეკულარული, ხოლო სოციო-ეკონომიკური მაჩვენებელი დგას 8/10-ზე.

ინგლისურად მოლაპარაკე ქვეყნების იმიგრანტებს შორის, გივატ შმუელი არის ისრაელის იმიგრანტების ყველაზე დიდი თემის სამშობლო,^[1] დაახლოებით 950 სტუდენტით, ახალგაზრდა პროფესიონალით, ახალდაქორწინებული წყვილებით და ახალგაზრდა ოჯახებით. ქალაქს ასევე აქვს „წარმატებული ალიას“ ყველაზე მაღალი მაჩვენებელი^[2] – იმიგრანტების რიცხვი, რომელიც ისრაელში რჩება 5 წლის შემდგომ. 2013 წლიდან მოყოლებული, ნეფეშ ბნეფეშმა ორგანიზება გაუკეთა სხვადასხვა ღონისძიებას და აქტივობასა და სამუშაოს ადგილობრივ ხელისუფლებასთან, პროგრამირების გაუმჯობესების მიზნით. შესაბამისად, გივატ შმუელის თემი ფორმირდა და ტერიტორიაზე შეიქმნა ინგლისურად მოლაპარაკე აქტივობების ინფრასტრუქტურული ჩონჩხი.^[3]

განათლება

დღიური ზრუნვის და სკოლამდელი განათლება: 2020–2021 წლებში არსებობდა 45 სახალხო სკოლამდელი (სეკურალური და ეროვნულ-რელიგიური, სპეციალიზებული და რეგულარული განათლება და მონტესორის არჩევანი) და ბევრი კერძო სკოლამდელი და დღიური ზრუნვის დაწესებულება.
დაწყებითი განათლება: ქალაქში არსებობს ორი სეკულარული დაწყებითი სკოლა, იგალ ალონი და ბენ გურიონი და სამი ეროვნულ-რელიგიური დაწყებითი სკოლა, მორეშეტ ზვულუნი, მორეშეტ მენაჩემი და მორეშეტ ნერია.
საშუალო განათლება: ქალაქში არის სეკულარული საშუალო სკოლა ტიჩონ გივატ შმუელი და ორი ეროვნულ-რელიგიური საშუალო სკოლა: ულფნანათ ამითი გოგონებისთვის და იეშივათ ბნეი აკივა ბიჭებისთვის. ზოგიერთი მოსწავლე სკოლაში დადის ქალაქის ფარგლებს გარედან. 2019–2020 წლებში, გივატ შმუელის საშუალო სკოლის მოსაწავლეების 96.5%-მა მიიღო გამოსაშვები გამოცდების სერთიფიკატი.
უმაღლესი განათლება: გივატ შმუელის სამხრეთ-დასავლეთ კიდესთან არის ბარ ილანის უნივერსიტეტის კამპუსი. მიუხედავად იმისა, რომ ტექნიკურად რამატ განში არის ბაზირებული, კამპუსი ბოლო წლებში ფართოვდება ისე, რომ, დღესდღეობით, სამხრეთ რამატ ილანის უბანს ჰყოფს (ან, აკავშირებს) გივატ შმუელის დანარჩენი ქალაქისგან.

სპორტი

მაკაბის ჰაბიკა, ანუ ყოფილი ელიტზურ გივატ შმუელი, არის კალათბურთის გუნდი, რომელიც ლიგატ ჰაალში თამაშობდა და ისრაელის კალათბურთის უმაღლეს დივიზიონში გამოდიოდა, სანამ 2007 წელს ქვედა ლიგაში დაქვეითდებოდა. 2003 წელს გუნდმა მიაღწია სახელმწიფო თასის ფინალს, მაგრამ თელ-ავივის მაკაბისთან დამარცხდა.

2010 წელს წლიური 10 კილომეტრიანი რბოლა გაიხსნა 350 მორბენალით მთელი ქვეყნის მასშტაბით.

ღირსშესანიშნაობები

დასასვენებელი და სპორტული ცენტრი დაახლოებით 32 დუნამის (8 ჰექტარი) ფართობზე, ჩრდილო-აღმოსავლეთ გივატ შმუელში დაარსდა. ცენტრი აერთიანებს ჩოგბურთის კორტებს, ფიტნეს დარბაზებს, საცურაო აუზებს, როლიკებით სასიარულო და საციგურაო მოედანს, კაფეტერიას და სხვა სერვისებს, წყლის პარკთან ერთად, რომელიც დაახლოებით 5 დუნამის (1.25 ჰექტარი) ფართობს მოიცავს.^[4]

ილან რამონის პარკი

ქალაქის ცენტრში არის ისრაელი ასტრონავტის, ილან რამონის სახელობის პარკი, რომელიც დაიღუპა კოსმოსური შატლის კოლუმბიის კატასტროფაში..

დაძმობილებული ქალაქები

გამორჩეული პიროვნებები

ლევანა მოშონი (დაიბადა 1952 წელს), მწერალი, ჟურნალისტი, მასწავლებელი და ბავშვთა მთხრობელი.
ტალი გოტლიბი (დაიბადა 1975 წელს), ქნესეტის ლიკუდის წევრი და ადვოკატი.