გერმანიის ფედერალური კანცელარია
გერმანიის ფედერალური კანცელარია (გერმ. Bundeskanzleramt) — გერმანიის ფედერალური კანცლერის ოფისი ბერლინში 2001 წლიდან.
| გერმანიის ფედერალური კანცელარია Bundeskanzleramt | |
|---|---|
 ახალი ფედერალური კანცელარია | |
| კოორდინატები | 52°31′12″ ჩ. გ. 13°22′10″ ა. გ. / 52.52000° ჩ. გ. 13.36944° ა. გ. |
| არქიტექტურული სტილი | პოსტმოდერნისტული |
| მდებარეობა | ბერლინი |
| მისამართი | Willy-Brandt-Straße 1, 10557 Berlin |
| მფლობელი | გერმანიის მთავრობა |
| დაიწყო | 1997 |
| გაიხსნა | 2001 |
| ფართი | 12,000 მ² |
| აშენების ღირებულება | 465 მილიონი მარკა |
| არქიტექტორ(ებ)ი | აქსელ შულტესი, შარლოტ ფრანკი |
| სხვა დიზაინერები | Royal BAM Group; Acciona |
| საიტი | http://www.bundeskanzleramt.de |
ისტორიარედაქტირება
- ბერლინი 1871–1945. კანცელარია დაარსდა 1871 წელს როგორც გერმანიის იმპერიის რაიხსკანცელარია (გერმ. Reichskanzlei) და თავიდან განთავსებული იყო ვილჰელმშტრასეს 77 ნომერში თავადი ანტონი რაძვილის ყოფილ სასახლეში (ასევე ცნობილია როგორც რაიხსკანცლერის სასახლე). 1938–39 წლებში ალბერტ შპეერის პროექტებით აშენდა ახალი რაიხსკანცელარია, რომელიც მდებარეობდა ფოსშტრასეზე. მეორე მსოფლიო ომის დროს შენობა მნიშვნელოვნად დაზიანდა, ხოლო შემდგომში საბჟოთა საოკუპაციო ჯარებმა დაანგრიეს.
- ბონი 1949–1999. ომის შემდეგ დასავლეთ გერმანიის მთავრობა განთავსდა ბონში, ხოლო კანცელარია გადავიდა შაუმბურგის სასახლეში, მანამ სანამ 1976 წელს ახალი კანცელარიის მშენებლობა არ დასრულდა. ახალი ფედერალური კანცელარიის შენობა (გერმ. Bundeskanzleramt) იყო საერთაშორისო სტილის შავი ნაგებობა და წარმოადგენდა მოდერნიზმის მოკრძალებულ მაგალითს. ცალკე შენობაში (გერმ. Kanzlerbungalow) იყო კანცლერის და მისი ოჯახის კერძო საცხოვრებელი 1964–99 წლებში.
ბერლინი 2001: ახალი კანცელარიარედაქტირება
ახალი ფედერალური კანცელარიის შენობა სპეციალურად კანცლერისთვის და კანცელარიის თანამშრომლებისთვის 1997–2001 წლებში აშენდა და 465 მილიონი მარკა დაჯდა. ეს პოსტმოდერნისტული ნაგებობა არის ბერლინის ერთ-ერთი ღირსშესანიშნაობა. მდებარეობს მდინარე შპრეეს ნაპირზე პრაქტიკულად სამთავრობო კვარტლის ცენტრში, მისგან ძალიან ახლოსაა რაიხსტაგი და ბრანდენბურგის კარიბჭე. შენობას უკავია 12,000 კვადრატული მეტრი და ერთ-ერთი უდიდესია მსოფლიო ქვეყნების ლიდერების რეზიდენციებს შორის. შედარებისთვის, ახალი კანცელარია თეთრ სახლზე რვაჯერ დიდია.[1] ცენტრალური ბლოკის მეშვიდე სართულზე არის მთავრობის სხდომების დარბაზი, მერვე სართულზე განთავსებულია კანცლერის კაბინეტი, ხოლო ბოლო სართულზე ბინა. შენობის მარჯვენა და მარცხენა ფრთებში მდებარეობს კანცელარიის თანამშრომლების კაბინეტები.
გალერეარედაქტირება
ძველი რაიხსკანცელარია
ახალი რაიხსკანცელარია
შაუმბურგის სასახლე
ყოფილი ფედერალური კანცელარია ბონში
ახალი ფედერალური კანცელარია ბერლინში
სქოლიორედაქტირება
- ↑ Steven Rosenberg (January 19, 2007). „Merkel's faces tough EU challenge“. BBC.
რესურსები ინტერნეტშირედაქტირება
- ფედერალური კანცლერი დაარქივებული 2012-10-14 საიტზე Wayback Machine.
- ფედერალური კანცელარია
|
ეს სტატია გერმანიისა და გერმანელების შესახებ ჯერჯერობით ესკიზია. თქვენ შეგიძლიათ დაგვეხმაროთ მის შევსებაში. |