გეორგი (ბრაუნშვაიგ-ლიუნებურგის ჰერცოგი)

გეორგი (გერმ. Georg; დ. 17 თებერვალი, 1582, ცელიე, გერმანია — გ. 12 აპრილი, 1641, ჰილდესჰაიმი, გერმანია) — ჰანოვერის დინასტიის ფუძემდებელი. ბრაუნშვაიგ-ლიუნებურგის ჰერცოგი და კალენბერგის მთავარი 1635 წლიდან გარდაცვალებამდე. დანიის მეფე კრისტიან III-ის შვილიშვილი დედის, დოროთეა დანიელის მხრიდან. დიდი ბრიტანეთის მეფე ჯორჯ I-ის, დანიის მეფე კრისტიან V-ის, შვედეთის დედოფალ ულრიკა ელეონორასა და საღვთო რომის იმპერატრიცა ვილჰელმინა ამალიას პაპა.

გეორგი
ბრაუნშვაიგ-ლიუნებურგის ჰერცოგი კალენბერგის მთავარი
მმართ. წლები:	1635-1641
წინამორბედი:	ფრიდრიხ ულრიხი
მემკვიდრე:	კრისტიან ლუდვიგი
პირადი ცხოვრება
დაბ. თარიღი:	17 თებერვალი, 1582
დაბ. ადგილი:	ცელიე, გერმანია
გარდ. თარიღი:	12 აპრილი, 1641, (59 წლის)
გარდ. ადგილი:	ჰილდესჰაიმი, გერმანია
მეუღლე:	ანა ელეონორა ჰესენ-დარმშტადტელი
შვილები:	კრისტიან ლუდვიგი, ბრაუნშვაიგ-ლიუნებურგის ჰერცოგი გეორგ ვილჰელმი, ბრაუნშვაიგ-ლიუნებურგის ჰერცოგი იოჰან ფრიდრიხი, ბრაუნშვაიგ-ლიუნებურგის ჰერცოგი სოფია ამალია, დანიის დედოფალი ერნესტ ავგუსტი, ჰანოვერის კურფიურსტი
დინასტია:	ჰანოვერები
მამა:	ვილჰელმი, ბრაუნშვაიგ-ლიუნებურგის ჰერცოგი
დედა:	დოროთეა დანიელი
რელიგია:	პროტესტანტობა
გეორგი ვიკისაწყობში

ქორწინება და შვილები

1617 წელს გეორგმა ცოლად შეირთო პრინცესა ანა ელეონორა ჰესენ-დარმშტადტელი, ჰესენ-დარმშტადტის ლანდგრაფ ლუდვიგ V-ისა და მაგდალენა ბრანდენბურგელის ქალიშვილი, რომელთანაც შეეძინა ხუთი შვილი:

1. კრისტიან ლუდვიგი (1622-1665), ბრაუნშვაიგ-ლიუნებურგის ჰერცოგი, ცოლად შეირთო სოფია დოროთეა შლეზვიგ-ჰოლშტაინ-ზონდენბურგ-გლუქსბურგელი, მაგრამ შვილები არ ჰყოლია;
2. გეორგ ვილჰელმი (1624-1705), ბრაუნშვაიგ-ლიუნებურგისა და საქსენ-ალტენბურგის ჰერცოგი, ცოლად შეირთო ელეონორ დ’ეზმიერ დ’ოლბრუზი, რომელთანაც შეეძინა ერთი გოგონა, სოფია დოროთეა;
3. იოჰან ფრიდრიხი (1625-1679), ბრაუნშვაიგ-ლიუნებურგის ჰერცოგი, ცოლად შეირთო ბენედიქტა ჰენრიეტა კურპფალცელი, რომელთანაც შეეძინა ორი გოგონა: შარლოტა ფელისიტა და ვილჰელმინა ამალია;
4. სოფია ამალია (1628-1685), ცოლად გაჰყვა დანიისა და ნორვეგიის მეფე ფრედერიკ III-ს, რომელთანაც შეეძინა შვილები: დანიის მეფე კრისტიან V, საქსონიის კურფიურსტი ანა სოფია, ჰოლშტაინ-გოტორპის ჰერცოგინია ფრედერიკა ამალია, პფალცის კურფიურსტი ვილჰელმინა ერნესტინა, დიდი ბრიტანეთის პრინცი ჯორჯი და შვედეთის დედოფალი ულრიკა ელეონორა;
5. ერნესტ ავგუსტი (1629-1698), ჰანოვერის პირველი კურფიურსტი, ცოლად შეირთო სოფია პფალცელი, რომელთანაც შეეძინა შვილები, მათ შორის დიდი ბრიტანეთისა და ირლანდიის მეფე ჯორჯ I და პრუსიის დედოფალი სოფია შარლოტა;

ლიტერატურა

• Janicke, Karl (1878), "Georg (Herzog von Braunschweig-Lüneburg)", Allgemeine Deutsche Biographie (ADB) (in German), 8, Leipzig: Duncker & Humblot, pp. 629–634