გენერალ-სანტოსი
გენერალ-სანტოსი (სებ. Dakbayan sa Heneral Santos, ტაგალ. Lungsod ng Heneral Santos) — ქალაქი ფილიპინების კუნძულ მინდანაოზე, სამხრეთ კოტაბატოს პროვინციაში, სარანგანის ყურის ნაპირზე. მოსახლეობა — 529 542 ადამიანი (2007 წლის აღწერა)[1].
| ქალაქი | |
|---|---|
|
გენერალ-სანტოსი სებ. Dakbayan sa Heneral Santos, ტაგალ. Lungsod ng Heneral Santos | |
 | |
| ქვეყანა |
 ფილიპინები |
| კოორდინატები | 06°07′00″ ჩ. გ. 125°10′00″ ა. გ. / 6.11667° ჩ. გ. 125.16667° ა. გ. |
| მმართველი | რონელ რივერა |
| დაარსდა | 1939 |
| ამჟამინდელი სტატუსი | 1968 |
| ფართობი | 492,86 კმ² |
| ცენტრის სიმაღლე | 15 მ |
| მოსახლეობა | 529 542 კაცი (2007) |
| სატელეფონო კოდი | +63 83 |
| საფოსტო ინდექსი | 9500 |
| ოფიციალური საიტი | http://www.gensantos.gov.ph/ |
  | |
ადრე ცნობილი იყო დადიანგასის სახელით. დღევანდელი სახელწოდება უწოდეს გენერალ პაულინო სანტოსის პატივისცემის ნიშნად, რომელიც იყო ფილიპინების არმიის გენერალი და დასახლების პირველი პიონერი.
ისტორია
რედაქტირებაადგილი სადაც ამჟამად ქალაქი მდებარეობს ისტორიაში პირველად მოიხსენიება XV საუკუნეში, როდესაც არაბეთიდან ამ რეგიონში ჩავიდნენ მისიონერები ისლამის გავრცელების მიზნით. მაჰმადიანური მმართველების ძალაუფლება გაგრძელდა ესპანეთის მმართველობის დროსაც და შეფერხდა მხოლოდ XIX საუკუნის ბოლოს, როდესაც ფილიპინები ამერიკელთა ხელში გადავიდა.
1914 წელს აქ გამოჩნდნენ პირველი ქრისტიანები. 1920 წელს კი ილოკების თემი. 1938 წელს ამ ადგილების უზარმაზარმა მიწებმა და მდიდარმა საზღვაო რესურსებმა მიიპყრო გენერალ-მაიორ პაულინო სანტოსის ყურადღება, რომელიც შემდგომში ეხმარებოდა მანუელ კესონს ფერმერთ მხარდამჭერი პროგრამის შემუშავებაში[2]. სამხრეთ კოტაბატოს მმართველად დანიშვნის შემდეგ, ბევრი რამ გაკეთდა მისი განვითარებისთვის.
1939 წელს პაულინო სანტოსი დახვდა პირველ გადასახლებულებს. 62 ემიგრანტი, რომელთა უმრავლესობა იყო ინდუსტრიულ კუნძულ ლუსონიდან იყო, აქ ჩავიდა სასოფლო-სამეურნეო მიწების გამო[2].
1948 წელს ბაიანის ოლქმა (როგორც ამ მომენტისათვის ერქვა ამ ადგილს) მოიპოვა თვითმმართველი მუნიციპალიტეტის სტატუსი და მცირე ქალაქის სტატუსი. ექვსი წლის შემდეგ, 1954 წლის ივნისში, ბაიანს უწოდეს გენერალ-სანტოსი, თავისი დამაარსებლის სახელის მიხედვით[1][2].
1963-1967 წლებში მერ ლუსიო ველაიოს მმართველობისას სოფლის მეურნეობის სერიოზული ზრდა მოხდა სოფლის მეურნეობის ინდუსტრიის მხარდაჭერისა და განვითარების წყალობით. 1968 წლის 8 ივლისს გენერალ-სანტოსმა ქვეყნის ხელისუფლების ბრძანების მიხედვით მიიღო ქალაქის სტატუსი[1][2].
გეოგრაფია
რედაქტირებაქალაქი გენერალ-სანტოსი მდებარეობს კუნძულ მინდანაოს სამხრეთ ნაწილში, სარანგანის ყურის ჩრდილოეთ ნაწილში. ქალაქის მიმდებარე ტერიტორია უმეტესად დაბლობია. კლიმატი ხასიათდება დიდი რაოდენობით ნალექით, რაც ხელს უწყობს მიწათმოქმედების განვითარებას[3].
ადმინისტრაციული დაყოფა
რედაქტირებაქალაქი დაყოფილია 26 რაიონად — ბარანგებად. ქალაქის მერია დარლენა მანგოლია რიკაზა ანტონიო-კუსტოდიო[4].
ქალაქის ხელისუფლება 2008-2009 წლიდან ახორციელებს პროგრამებს ინვესტიციების მოზიდვისათვის, განათლების სისტემის განვითარების, პერსონალის გადამზადებისა და მოწინავე კადრების მომზადებისათვის, ახალი საცხოვრებლის მშენებლობისათვის, ელექტროფიკაციისათვის და ა.შ.[5]
კულტურა და რელიგია
რედაქტირებაქალაქში მთელი რიგი ღირსშესანიშნაობები და არქიტექტურის ძეგლებია. რეგულარულად მიმდინარეობს კულტურული ღონისძიებები, მათ შორის კალინანგანის ფესტივალი[6].
ქალაქში ყველაზე მეტად გავრცელებულია ქრისტიანობა, მათ შორის განსაკუთრებით მრავალრიცხოვანია კათოლიკე ქრისტიანები, რომლებიც შეადგენენ მოსახლეობის 90 %-ს. მოსახლეობის 9 % სუნიტური ისლამის მიმდევარია[7].
რესურსები ინტერნეტში
რედაქტირება
სქოლიო
რედაქტირება- ↑ 1.0 1.1 1.2 General Information. General Santos City Official Website Magandang Gensan. დაარქივებულია ორიგინალიდან — 2012-08-09. ციტირების თარიღი: 2012-07-02.
- ↑ 2.0 2.1 2.2 2.3 History. City of General Santos. დაარქივებულია ორიგინალიდან — 2012-07-02. ციტირების თარიღი: 2010-10-23.
- ↑ Geography. General Santos City Official Website Magandang Gensan. დაარქივებულია ორიგინალიდან — 2012-08-09. ციტირების თარიღი: 2012-07-02.
- ↑ Personal Information. ANTONINO-CUSTODIO, Darlene Magnolia Ricasa. დაარქივებულია ორიგინალიდან — 2012-07-02. ციტირების თარიღი: 2010-10-23.
- ↑ State of the City Address 2009. General Santos City Official Website Magandang Gensan. დაარქივებულია ორიგინალიდან — 2012-08-09. ციტირების თარიღი: 2012-07-02.
- ↑ Kalilangan Festival. General Santos City Official Website Magandang Gensan. დაარქივებულია ორიგინალიდან — 2012-08-09. ციტირების თარიღი: 2012-07-02.
- ↑ Philippine Statistics Authority. (July 26, 2017) Muslim Population in Mindanao (based on POPCEN 2015. დაარქივებულია ორიგინალიდან — აგვისტო 31, 2018. ციტირების თარიღი: August 31, 2018.