გელენჯიკი

გელენჯიკი (რუს. Геленджик) — საკურორტო ქალაქი რუსეთში, კრასნოდარის მხარეში. მდებარეობს შავი ზღვის გელენჯიკის უბის ნაპირზე, მარკოთხის ქედის დასავლეთი ნაწილის მთისძირას, ზღვის დონიდან 30 მ სიმაღლეზე. ქალაქ ნოვოროსიისკიდან დაშორებულია 25 კილომეტრით. 2013 წლის აღწერით ქალაქში ცხოვრობდა 61 391 ადამიანი. გელენჯიკი საკურორტო რაიონის ცენტრია. ამ რაიონშია ზღვისპირა კლიმატური კურორტები და სამკურნალო ადგილები: დივნომორსკოე, ჯანხოთი, კაბარდინკა, არხიპო-ოსიპოვკა. ჰავა ხმელთაშუა ზღვის ტიპისაა, ზაფხული ძალიან თბილია, ზამთარი რბილი. ნალექები 750 მმ წელიწადში. სამკურნალო საშუალებანია: აეროთერაპია, მზით მკურნალობა, ზღვაში ბანაობა, ტალახით მკურნალობა, ყურძნით მკურნალობა. სამედიცინო ჩვენება: სუნთქვის ორგანოთა და ნერვული სისტემის დაავადებანი, სისხლის მიმოქცევის მოშლა. არის სანატორიუმები, დასასვენებელი სახლები, პანსიონატები.

ქალაქი
გელენჯიკი Геленджик
გელენჯიკი
დროშა გერბი
ქვეყანა	რუსეთი
კოორდინატები	44°33′39″ ჩ. გ. 38°04′36″ ა. გ.
დაარსდა	1831
ამჟამინდელი სტატუსი	1915
ფართობი	123 კმ²
ცენტრის სიმაღლე	30 მ
მოსახლეობა	61 391 კაცი (2013)
სასაათო სარტყელი	UTC+3
სატელეფონო კოდი	86141
საფოსტო ინდექსი	353460–353497
ოფიციალური საიტი	gelendzhik.org
გელენჯიკი ვიკისაწყობში

შეიქმნა 1864 წელს როგორც დასახლებული პუნქტი. ქალაქია 1915 წლიდან. არის მხარეთმცოდნეობის მუზეუმი.

რესურსები ინტერნეტში

• შეგიძლიათ იხილოთ მედიაფაილები თემაზე „გელენჯიკი“ ვიკისაწყობში.

ლიტერატურა

• ქართული საბჭოთა ენციკლოპედია, ტ. 3, თბ., 1978. — გვ. 38.