გევორქ ასატური
გევორქ კონსტანტინეს ძე ასატური (ნამდვილი გვარი ასტვაწატრიანი) (დ. 18 ივნისი [ძვ. სტ. 6 ივნისი], 1868,[2] თბილისი — გ. 7 ოქტომბერი, 1937) — სომეხი ლიტერატორი, მთარგმნელი.
| გევორქ ასატური | |
|---|---|
 | |
| დაბადების თარიღი | 6 (18) ივნისი, 1868[1] |
| დაბადების ადგილი | თბილისი, ტფილისის გუბერნია, რუსეთის იმპერია |
| გარდაცვალების თარიღი | 7 ოქტომბერი, 1937[1] (69 წლის) |
| გარდაცვალების ადგილი | თბილისი, საქართველოს სსრ, სსრკ[1] |
| საქმიანობა | ლიტერატურათმცოდნე[1] , მთარგმნელი[1] და უნივერსიტეტის პროფესორი[1] |
| ეროვნება | სომხები[1] |
| მოქალაქეობა |
რუსეთის იმპერია ამიერკავკასიის დემოკრატიული ფედერაციული რესპუბლიკა .svg){kind=small} საქართველოს დემოკრატიული რესპუბლიკა.svg){kind=small} სსრკ |
| ალმა-მატერი | ნერსისიანის სკოლა[1] და The Imperial Saint Petersburg Archaeological Institute[1] |
განსაკუთრებული დამსახურება მიუძღვის ქართველი კლასიკოსი მწერლების სომხურ ენაზე თარგმანში. 1931 წელს გამოსცა ქართული პოეზიის ანთოლოგია, რომელიც შეიცავს მის მიერვე თარგმნილ ქართველ მწერალთა ნაწარმოებებს და ქართული ხალხური პოეზიის ნიმუშებს. გევორქ ასატურმა სომხურად თარგმნა „ვეფხისტყაოსნის“ სრული ტექსტი (გამოქვეყნდა 1937), აგრეთვე ნაწყვეტები ფირდოუსის „შაჰ-ნამედან“. მან პირველმა მიაქცია ყურადღება პეტერბურგის სააზიო მუზეუმში დაცულ ხელნაწერს, სადაც თავმოყრილია საიათნოვას ქართული ლექსები. 1922 წელს გამოაქვეყნა ერევნის სახელმწიფო მუზეუმში დაცული საიათნოვას ხელნაწერის აღწერა.
ლიტერატურა
რედაქტირება- ქართული საბჭოთა ენციკლოპედია, ტ. 1, თბ., 1975. — გვ. 625.
სქოლიო
რედაქტირება- ↑ 1.0 1.1 1.2 1.3 1.4 1.5 1.6 1.7 1.8 სომხური საბჭოთა ენციკლოპედია / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.
- ↑ ქსე-ის (ტ. I, გვ. 625) მიხედვით 1863, მაგრამ რამდენიმე სომხურენოვან წყაროში მოწმდება 1868 (Գրական Տեղեկատու (Հայկ Խաչատրյան, 1981), ԵՊՀ Կենսագրական Բառարան, Հայկական Համառոտ Հանրագիտարան).