განხილვა:ტერა-ნოვას ექსპედიცია

	ეს სტატია გამოჩნდა ვიკიპედიის მთავარ გვერდზე სექციაში რჩეული სტატია (24 აპრილი, 2014).
სტატიის მიღწევები თარიღი პროცესი შედეგი 24 აპრილი, 2014 რჩეული სტატიის კანდიდატი რჩეული გახდა

ამ სტატიას ტერა-ნოვას ექსპედიცია რატომ არ უნდა ერქვას, როგორც ორიგინალში და თითქმის ყველა ვიკიპედიაშია?--SALINER _✉ 13:32, 27 ივლისი 2013 (UTC)

გაკეთდა ვინ თქვა, რომ არ უნდა ერქვას? --შოთა ^[UT] 13:39, 27 ივლისი 2013 (UTC)

არც არავინ, უბრალოდ კითხვის დასმის სხვა ფორმა ვერ ვიპოვე.--SALINER _✉ 13:42, 27 ივლისი 2013 (UTC)

ციტატები

ციტატები შავ ჩარჩოებში რომაა ჩასმული, ჩემთვის ცოტა უარყოფით ასოციაციებს იწვევს : )). ხომ არ ჯობია, გამოვიყენოთ ჩვენში ისედაც უფრო მეტად გამოყენებადი და ჩემი აზრით უფრო ლამაზი ამავე ფუნქციის თარგი {{ციტირება}}? Deu. 19:18, 2 თებერვალი 2014 (UTC)

გაკეთდა უკეთესია ნამდვილად --შოთა ^[UT] 19:38, 2 თებერვალი 2014 (UTC)

დობილ პროექტში ციტატებში ხომ არ გადაგვეტანა? --ცანგალა (გ) 19:45, 2 თებერვალი 2014 (UTC)

არა, ის სულ სხვა რამეა. ეს აქ საჭიროა. Deu. 19:52, 2 თებერვალი 2014 (UTC)

ორივენგან არ შეიძლება?-ცანგალა (გ) 20:27, 2 თებერვალი 2014 (UTC)

შენიშვნები

სტატიის წაკითხვა მოვასწარი მხოლოდ სექცია „ფინანსირების“ ჩათვლით. ჯერ-ჯერობით მომწონს :). პატარა შენიშვნები და კითხვები მაქვს:

1. თვალში [თუ ყურში? : )] მომხვდა ანტარქტიკა, ანტარქტიკული, ტრანსანტარქტიკული — მე როგორც ვიცი, ქართულად მართებულია ანტარქტიდა, მაგრამ აქედან ნაწარმოები სიტყვების შემთხვევაში დარწმუნებული არ ვარ. მომხმარებელი:David1010, მომხმარებელი:MIKHEIL, რას იტყვით?
2. თვალში მომხმვდა აგრეთვე დამოწმების ორიგინალური სისტემა. სქოლიოს ციფრებს გვერდით კიდევ უწერია სხვა ციფრები, სავარაუდოდ გვერდები დამოწმებული ლიტერატურიდან. ასეთი დამოწმება ქართულ ვიკიპედიაში (და ზოგადად ქართულენოვან სამეცნიერო ლიტერატურაში) არაა მიღებული და ჯობია ტრადიციულად გარდავქმნათ.
3. „მისმა დიდებამ გადაფარა აღმოჩენის ავტორის, რუალ ამუნდსენის დიდება.“ — აქ აღმოჩენის ავტორში რა იგულისხმება? ამუნდსენი, როგორც სკოტის დღიურის აღმომჩენი? თუ ამუნდსენი, როგორც სამხრეთ პოლუსის „აღმომჩენი“? თუ ეს უკანასკნელი იგულისხმება, მაშინ ტერმინი შესაცვლელია მგონი.
4. მიზნებისა და შედეგების სექციის პირველივე სიტყვები ვერ გავიგე რას გულისხმობს: „ექსპედიცია ბარკ „ტერა-ნოვაზე““ — ექსპედიცია ტერა-ნოვაზე მოეწყო თუ ტერა-ნოვას გამოყენებით? აქ ალბათ უნდა ეწეროს ექსპედიცია ტერა-ნოვა. აგრეთვე ამავე გაუგებრობას ქმნის „ექსპედიცია დისკავერზე“; აქაც ალბათ უნდა იყოს „დისკავერის ექსპედიცია“. ხომ არ ვცდები? : )
5. ფინანსირების სექციას ხომ არ ჯობია ერქვას დაფინანსება? -ირება არის ევროპული ენების სუფიქსი, რასაც ქართულში სხვა სართები ცვლიან.
6. ფინანსირების სექციაში ვერ გავიგე რას ნიშნავს „ეროვნული ხელმოწერა“.

მადლობა. Deu. 19:51, 2 თებერვალი 2014 (UTC)

1) ანტარქტიკა და ანტარქტიდა. ნამდვილად არ ვიცი, მაქედან ნაწარმოები სიტყვები როგორ იქნება. 2) იხ. მაგალითად, სქოლიოს მე-5 პუნქტი. ერთი და იგივე ლიტერატურა გამოყენებულია 42-ჯერ, მაგრამ გვერდებია სხავდასხვა. როგორ მოვიქცე? 42-ჯერ ცალ-ცალკე მივუთითო გვერდებიანად? არ არის ჩემთვის პრობლემა, მაგრამ ძალიან გართულება გამოვა. 3) სამხრეთ პოლუსის, რა თქმა უნდა. სხვა რა ტერმინი ჩავსვა? 4) 5) 6) გასწორდა --შოთა ^[UT] 20:09, 2 თებერვალი 2014 (UTC)

ამ საიტის მიხედვით, ანტარქტიკული სწორია. ასევე:

ანტარქტიკულ-ი ანტარქტიკასთან დაკავშირებული. ა. ექსპედიცია. (ქართული ენის განმარტებით ლექსიკონი, ერთტომეული, ნაკვეთი პირველი, ა — ლ. გვ. 71)--შოთა ^[UT] 20:22, 2 თებერვალი 2014 (UTC)

ანტარქტიდა მხოლოდ კონტინენტია, ხოლო ანტარქტიკა მოიცავს ანტარქტიდის კონტინენტს + მიმდებარე ზღვებსა და ოკეანეებს--დათო1010 21:24, 2 თებერვალი 2014 (UTC)

მადლობა :). შოთა, აი აქ ნახე როგორაა სქოლიოსა და ლიტერატურას შორის კავშირი (ყურადღება მიაქციე მაკივერს). ასე წარმომიდგენია დაახლოებით აქაც. უფრო ტრადიციული იქნება და არა დამაბნეველი. 42-ჯერ ცალ-ცალკე არ ქმნის პრობლემას, აგრე მგონია . Deu. 03:25, 3 თებერვალი 2014 (UTC)

ანტარქტიდა, ზოგადად მატერიკია. ხოლო ანტარქტიკა ანტარქტიკა (საწინააღმდეგო არქტიკისა) აღნიშნავს კონტინენტსაც, მის გარშემო მდებარე, ზღვებს, კუნძულებს და სხვ. სწორია ანტარქტიკული სარტყელი.--ბექალაბაძე 04:18, 3 თებერვალი 2014 (UTC)

მე-3 შენიშვნას რაც შეეხება, შოთა, იმავე წინადადებაში საუბარია დღიურის აღმოჩენაზე და შემდეგ მკითხველს შეიძლება ეგონოს, რომ ეს დღიური რაულ ამუნდსენმა აღმოაჩინა. ამიტომ აჯობებდა სიტყვის შეცვლა. ასე ხომ არ ჯობია: მისმა დიდებამ გადაფარა რუალ ამუნდსენის დიდება, რომელმაც პირველმა მიაღწია პოლუსს. რას იტყვი? :) Deu. 10:13, 3 თებერვალი 2014 (UTC)

მესამეც გასწორდა. მომწონს სქოლიოს ეგ ვარიანტი, გადავაკეთებ :)--შოთა ^[UT] 10:20, 3 თებერვალი 2014 (UTC)

სქოლიო გაკეთდა --შოთა ^[UT] 12:04, 3 თებერვალი 2014 (UTC)

მშვენიერია! :). წავიკითხე სტატია, ძალიან მომეწონა. ერთადერთი შენიშვნა (კი არა და უფრო სურვილი) მაქვს: ციტატები ვის ეკუთვნის, ზოგ შემთხვევაში არაა დაკონკრეტებული. მაგალითად, ამ სექციაში ბოლო ორი ციტატა ისეა მოყვანილი, რომ არც ბოლოში წერია, ვისი სიტყვებია, არც თავში (ვთქვათ ასე: პრისტლი აღნიშნავდა). მგონია, რომ აი ასე უმჯობესი იქნებოდა:

“ იყო არაბეთს როსტევან მეფე, ღმრთისაგან სვიანი, მაღალი, უხვი, მდაბალი, ლაშქარმრავალი, ყმიანი, მოსამართლე და მოწყალე, ბლა ბლა ბლა, ბლაბლა ბლა ბლა ბლა ბლა.
— დ. მაისურაძე ”

რა თქმა უნდა, ეს ეხება იმ ციტატებს მხოლოდ, სადაც წინასწარ არაა მითითებული, თუ ვისი სიტყვებია :). რას იტყვი, შოთა? Deu. 17:37, 3 თებერვალი 2014 (UTC)

გმადლობ გადავხედავ და ჩავსვამ ავტორებსაც :)--შოთა ^[UT] 17:56, 3 თებერვალი 2014 (UTC)

გაკეთდა--შოთა ^[UT] 18:52, 3 თებერვალი 2014 (UTC)

როგორც მე ვიცი, სქოლიო ქართულ ენაში იწერება სასვენ ნიშნამდე და არა სასვენი ნიშნის შემდეეგ. ეს წესი დათომ მასწავლა ადრე. Nodar Kherkheulidze ^{განხილვა} 09:27, 5 თებერვალი 2014 (UTC)

არ ვიცი, მე განზრახ სასვენი ნიშნის შემდეგ ვსვამდი სქოლიოს, რადგან დიდი მანძილი რჩებოდა სიტყვასა და სასვენ ნიშანს შორის. თუ ეგრეა მიღებული, გადავაკეთებ--შოთა ^[UT] 09:45, 5 თებერვალი 2014 (UTC)

რაიმე ენის ნორმა არ არსებობს მაგასთან დაკავშირებით, მაგრამ ქართულ სამეცნიერო ლიტერატურაში უფრო ხშირად სასვენ ნიშნამდეა და ასე ვაკეთებ ხოლმე მე ვიკიპედიაში. Deu. 10:19, 5 თებერვალი 2014 (UTC)

ეხლა ვნახე კიდევ რამდენიმე წიგნი (ხელნაწერთა ეროვნული ცენტრის და გამომცემლობა არტანუჯის გამოცემული, ორივეგან პროფესიონალნი აკეთებენ კორექტურას). ორივენაირი მიდგომა არის მოკლედ, უფრო ხშირად სასვენ ნიშნამდეა, მაგრამ ერთ წიგნში მთლიანად სასვენი ნიშნების შემდეგაა სქოლიოს ციფრები. შემხვდა ისეთი წიგნიც (სამეცნიერო სტატიების კრებული), სადაც სხვადასხვა სტატიაში სხვადასხვაგვარად იყო — ერთგან სასვენ ნიშნებამდე, მეორედ სასვენი ნიშნების შემდეგ. ასე რომ, როგორც ჩანს, ორივე სწორია. Deu. 10:26, 5 თებერვალი 2014 (UTC)