ბრაიან მოლკო

ბრაიან მოლკო (დ. 10 დეკემბერი, 1972) — ჯგუფ პლასიბოს ვოკალისტი, სიმღერების ავტორი და გიტარისტი. მისი მამა არის იტალიელი ფრანგული ფესვებით, ხოლო დედა შოტლანდიელია.

ბრაიან მოლკო
ბიოგრაფია
დაბ. თარიღი	10 დეკემბერი, 1972 (1972-12-10) ბრიუსელი, ბელგია
დაბ. ადგილი	ბრიუსელი
წარმოშობა	ლუქსემბურგი
ჟანრ(ებ)ი	ალტერნატიული როკი
საქმიანობა	მუსიკოსი, მომღერალი, სიმღერების ავტორი, მსახიობი
ინსტრუმენტ(ებ)ი	ვოკალი, გიტარა, ბას გიტარა, კლავიშებიანი საკრავები, ფორტეპიანო, ჰარმონიკა, საქსოფონი, დასარტყმელი საკრავები
აქტიური	1994–დღემდე
ლეიბლ(ებ)ი	EMI, Virgin Records, PIAS (ამჟამად), Hut Records, Caroline Records
აღსანიშნავი ინსტრუმენტები
Fender Jaguar Gibson SG Fender Telecaster Thinline Gretsch Duo Jet Fender Cyclone
საიტი	www.placeboworld.co.uk
ბრაიან მოლკო ვიკისაწყობში

ბიოგრაფია

მამის სამსახურის გამო ბრაიანის ოჯახი იძულებული იყო, საცხოვრებელი ადგილი ბევრჯერ შეეცვალა - იგი ცხოვრობდა შოტლანდიაში, ლიბანში, ლიბერიასა და ლუქსემბურგში.

ბრაიანი სწავლობდა ლუქსემბურგის ერთ-ერთ სკოლაში, სადაც სტივენ ოლსდლადიც დადიოდა. ბრაიანი სკოლაში არ მოსწონდათ, რადგან სპორტის მაგივრად დაკავებული იყო მეცადინეობით და თეატრალურ წრეში მოღვაწეობით.

17 წლის ასაკში ბრაიანმა გადაწყვიტა მსახიობობა. იგი გადასახლდა ლონდონში, ჩააბარა გოლდსმითსის სამსახიობო კოლეჯში. მისი მთავარი ჰობი მუსიკა იყო და საკუთარი სიმღერების წერა სულ მალე დაიწყო. მის საყვარელ მუსიკოსებსა და ჯგუფებს შორის იყვნენ: დევიდ ბოუი, იგი პოპი, სერჟ გეინსბურგი, პიჯეი ჰარვი, Dead Kennedys, Depeche Mode, Sonic Youth, ბისტი ბოიზი, The Velvet Underground, Joy Division, The Stooges და Pixies.

ბრაიანი უკრავს გიტარაზე, ბას გიტარაზე, სინთეზატორზე, საქსოფონსა და დასარტყმელ საკრავებზე. სხვადასხვა დროს მუშაობდა დიჯეად კლუბებში. მონაწილეობა აქვს მიღებული ფილმში „ხავერდის ოქროს საბადო“, სადაც შეასრულა ჯგუფ T. Rex-ის სიმღერა 20th Century Boy.

ბრაიანი დაქორწინებული იყო ჰელენა ბერგთან, რომელსაც 2009 წელს დაშორდა. მათ ეყოლათ შვილი კოუდი. თავად ბრაიანი ბისექსუალია.

რესურსები ინტერნეტში

ვიკისაწყობში არის გვერდი თემაზე:

ბრაიან მოლკო

• ოფიციალური საიტი