ბორის კურაკინი

ბორის კურაკინი (რუს. Борис Иванович Куракин; დ. 30 ივლისი, 1676, მოსკოვი — გ. 28 ოქტომბერი, 1727, პარიზი) — რუსეთის სახელმწიფო მოღვაწე, პეტრე I-ის ერთ-ერთი თანამებრძოლი. ბავშვობიდანვე ჩაირიცხა პეტრეს თანამოაზრეთა წრეში და მას შემდეგ მონაწილეობდა მეფის ყველა სამხედრო ღონისძიებაში (აზოვის ლაშქრობები, პოლტავის ბრძოლა). ფართოდ განათლებული კურაკინი დიპლომატიურ სარბიელზე დაწინაურდა — მონაწილეობდა უტრეხტის კონგრესის მუშაობაში (1711-1713), თან ახლდა პეტრე I-ს პარიზში და სხვა. 1711 წლიდან ჰააგაში ელჩის წოდებით იყო, ფაქტობრივად კი ასრულებდა რუსეთის კანცლერის მოვალეობას საზღვარგარეთ. 1724-1727 წლებში,იყო ელჩად პარიზში. კურაკინს დარჩა დიდი ლიტერატურული მემკვიდრეობა.

პრინცი ბორის ივანოვიჩ კურაკინი 1676-1727

ლიტერატურა

• ქართული საბჭოთა ენციკლოპედია, ტ. 6, თბ., 1983. — გვ. 78.