ბლექ სი არენა

Black Sea Arena
Black Sea Arena
	ბლექ სი არენა
ზოგადი ინფორმაცია
ქვეყანა	საქართველო
ქალაქი	შეკვეთილი
მდებარეობა	შეკვეთილი
კოორდინატები	41°56′28″ ჩ. გ. 41°46′20″ ა. გ. / 41.94111° ჩ. გ. 41.77222° ა. გ.
აშენების ღირებულება	115 მლნ. აშშ დოლარი
მფლობელი	საქართველოს მთავრობა
დაიწყო	2008
დასრულდა	2016
გაიხსნა	31 ივლისი, 2016
ზომები და ტექნიკური დეტალები
ტევადობა	≈ 10 000 ადამიანი
არქ. ფირმა	DREI ARCHITEKTEN
საიტი
	https://bsa.ge/ge

„ბლექ სი არენა“ (ინგლ. Black Sea Arena) — ყველაზე დიდი საკონცერტო დარბაზი საქართველოში. გაიხსნა 2016 წლის 31 ივლისს. იტევს 10 000-მდე მაყურებელს. მდებარეობს კურორტ შეკვეთილში, ოზურგეთის მუნიციპალიტეტში. საკონცერტო დარბაზის მიმდებარე ტერიტორიაზე, 7 ჰექტარ ტერიტორიაზე გაშენებულია „მუსიკოსთა პარკი“.

დარბაზის მშენებლობა 2008 წელს ფონდ „ქართუს“ ინიციატივით დაიწყო და მასში ფონდმა დაახლოებით 115 მილიონი აშშ დოლარის ინვესტიცია განახორციელა. მშენებლობის დასრულების შემდეგ, 2016 წლის 10 ივლისს არენა ფონდმა უსასყიდლოდ გადასცა სახელმწიფოს. „ბლექ სი არენა“ აღჭურვილია სპეციალური აპარატურითა და განათების სისტემებით, რომელიც გრანდიოზული შოუების ჩატარების საშუალებას იძლევა. დარბაზს აქვს მოძრავი სახურავი, რომელიც ამინდზეა მორგებული. საკონცერტო სივრცე სრულად ადაპტირებულია შეზღუდული შესაძლებლობის მქონე პირებისათვის. Black Sea Arena ოფიციალურად 2016 წლის 31 ივლისს, მომღერალ კრისტინა აგილერას კონცერტით გაიხსნა. დარბაზში სხვადასხვა დროს გაიმართა ელტონ ჯონის, ენიო მორიკონეს, Jessie J-ის, ნინო ქათამაძის, ქეთი მელუას და სხვა კონცერტები. 2020 წელს ბლექ სი არენა დაჯილდოვდა გერმანული პრემია German Design Award-ით შესანიშნავი არქიტექტურისთვის.^[1]

2024 წლამდე ირიცხებოდა საქართველოს კულტურის სამინისტროს ბალანსზე, სანამ მისი მმართველობა საქართველოს მთავრობას არ გადაეცა.^[2]

გალერეა

ბლექ სი არენას სცენა
კრისტინა აგილერა ბლექ სი არენას სცენაზე

რესურსები ინტერნეტში

სქოლიო

↑ german design award winner 2020. german design award. ციტირების თარიღი: 2021-02-09.
↑ „მთავრობამ კულტურის სამინისტროს Black Sea Arena-ს და ფილარმონიის მართვის უფლება ჩამოართვა“. tabula.ge. ციტირების თარიღი: 17 აგვისტო, 2024. შეამოწმეთ თარიღის პარამეტრი |access-date=-ში (დახმარება)

[1] rman design award winner 2020. german design award. ციტირების თარიღი: 2021-02-09.

[2] „მთავრობამ კულტურის სამინისტროს Black Sea Arena-ს და ფილარმონიის მართვის უფლება ჩამოართვა“. tabula.ge. ციტირების თარიღი: 17 აგვისტო, 2024. შეამოწმეთ თარიღის პარამეტრი |access-date=-ში (დახმარება)

[1]

[2]