ბზიანი (ფორმაცია)

ბზიანი — ბზის ფორმაცია. საქართველოში შექმნილია კოლხური ბზით. ბალახოვანი საფრის მიხედვით ბზიანი სხვადასხვა ტიპისაა: ძმერხლიანი, ნაირბალახიანი, ისლიან-ნაირბალახიანი, მარცვლოვან-ნაირბალახიანი და სხვა. განვითარებულია ძირითადად კარბონატულ ნიადაგებზე.

ბზიანის მასივები შემორჩენილია აფხაზეთში (მდინარე ბზიფის ხეობასა და ტყვარჩელის მახლობლად) და დასავლეთ საქართველოს სხვა ადგილებში.

ლიტერატურა

• ქართული საბჭოთა ენციკლოპედია, ტ. 2, თბ., 1977. — გვ. 353.